31/10/2025 (Fri): Saikul gam huamsung a om Gangpijang leh Wakan area kikawmtuahna lampi akibawl ziak in, Leitanpokpi Likli Talpakte lungkimlou in kiphinna nei uh hi'n thudonna in gen hi.
Theih ding khat ahihleh; Wakan area leh Gangpijang kikaal singtanggam teng nidang a Kukite gam siangset ana hi in, himahleh, Kuki hausa khat in Talpakte' kiang a ana zuakkhiat khit hita hi'n kigen a, tua lampi kibawlna mun teng leng Talpakte' gam hita hi'n gen uhi.
Huai dan ahihleh bel hiai mun a gam neitute' phalna lalou a lampi va bawl'mawk pen diklou chihna hong suak hi. Huai toh kiton in, Talpakte alungkim'louh uh leng mohsakhuai lou zel hi.
Eipawl gam zuak' haatte, sumduh/ sumdeihte ahihna uh agah kilou tou² ahihdan muhtheih in om maimah, chi le kigenkhial lou maithei hi.
Tua chu bawl di dang omlou; i ut' teei² leh atheilou kineih a, agam pen thagum a tuh di, kimaituahpih di, kinawkpih di hitopmai. Huailou alampi dang omlou hidan in thutut kimu hi.
©𝐙𝐨𝐠𝐚𝐦 𝐈𝐧𝐬𝐢𝐠𝐡𝐭
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.