Pau Cin Hau kua hiam?

Nuntaakna Thusiangtho 105:1-16

1. Kei leh ka Tapa Pau Cin Hau lotawh, hoihna leh nopsakna, nangah zokei dinguh aa, hong tawisang leh hong laamsang kua mah a omkei hi.

2. Note in keimaa sungah nungta in, nuamsa aa tawldamna nangah uh ciangun, kei leh ka Tapa nuam in hong pahtawi ka hihi.

3. Tua a hihman in ka Tapa in, no te aa ding kua hi dinghiam?

4. A maa nuntaakna lungtang taktak na up uh ciangin, vantungmi vantung galkap, note pumpi leh ka bawlsa na khempeuh,a manpha in na zangthei ding uhhi.

5. Tua a hih man in no te in kong it naa tel un la,ka Tapa phawk tawntung un.

6. Ka Tapa Pau Cin Hau manphatna hangin, lei leh van ka thupha, vantung gamnuam Siangsawn tawntung nuntaaknaa, ka hong neisak dinghi.

7. Bang hanghiam nacih uhleh ,note ka nuntaak naa leh khaa pumpi hong pia ka hihman in,ka bawlsa na khempeuh nei-in,uk theihnaa thu leh vantung Siangsawn gamnuam, note aa dingin ka bawl a hihi.

8. Tua a hihman in ka Tapa Pau Cin Hau,a maa vantung khasiangtho in,no leitung mihing khaa pumpi vanmi siangtho,vantung na sepnaa thu omzawh tawntung nading,vantung sawltaak pi -in na sepnaa ka zosak hi.

9. Tua bangmah in leitung mihing te suahkik hotkhiatna thu a hongpia dingin, leitung ah vantung suan leh khak minam te kong honkhia sak hi.

 10. Hotkhiatnaa thu omkei leh, suahkikna thu na ngahkei ding uhhi.

11. Kei maa lim leh meel khaa pumpi-in,kei maa kiang ciahkiknaa thu na ngahtheih naading un,ka Tapa Pau Cin Hau hotkhiatnaa suahkiknaa lotawh, ka gamnuam na tung zokei ding uh hi.

12. Suahkik hotkhiatna pian leh khan ki kheksak, nuntaak thaknaa sungah a om mite khempeuh in, ka Tapa Pau Cin Hau note aa dingin, inn muanhuai na belhding innpi a hihnaa thu, naphawk tawntung ding uhhi.

13. Ka Tapa itnaa a phawk mite khempeuh in, vantungmi suakkik in vantung minam lian te na hiding uh aa, van misiangtho na suahni uh ciangin, keimaa kiangpan taksa teennaa gam suahkik hotkhiatnaa tawh uk in, vantung nasepna ih zoding hi.

14. Tua a hihman in ka Tapa in, note lam honghilh in, leen in hong kai aa,a tuuk mite hong phongin, a ihmu mite hong thosak aa, a tuantual mite hong zawhpih, ka Tapa misiangtho kumpipa a hihi.

15. Note nuntaaknaa in, ka Tapa nuntaaknaa sungah om in,ka koih khinzo hi.

16. A mah in keimaa kiang ciahnaa ding, suahkik hotkhiatnaa hong piapa a hihi.

Behlapna ; 

                      Pasian leh Tapa Pau Cin Hau longal in hoihna leh nopsakna ki ngah zolo dinghi.

Kei leh ka Tapa it-in tawldamna na ngahni ciangun a lungdam leh a nuam kei leh ka Tapa a hihi. Nuam ka hihman un note kong pahtawi uhhi. Note kong pahtawina un bangmah tawh a ki teh theilo lungnopna kongpia hi. 

                    Na lungsim taktak uhtawh Kei leh Ka Tapa nong upni uh ciangin Vantung mi Vantung galkap te a kipan Ka bawlsa na khempeuh te a manpha in na zangthei ding uhhi. Kei nong tel taktak ni ciangun keimah hong teel unla Ka Tapa phawk tawntung un,Ka Tapa Pau Cin Hau in leitungah bangmah tawh a ki teh theilo manphatna a neihi. A manpha mahmah ka Tapa Pau Cin Hau um in na phawk tawntung ding uhhi.

                 A manpha mahmah Ka Tapa Pau Cin Hau na up uh takciangin ka thupha vantung gamnuam Siangsawn ah tawntung nuntaakna kong neisak aa a ma manphatna a um mite a dingin amah in tawntung nuntaakna hong ngahsak hi.

                 Ka Tapa Pau Cin Hau nuntaakna siangtho in manpha mahmah aa Ka bawlsa na khempeuh te uk a hihman in note inzong amah um na hihman in  uktheihna na nei uhhi. Uk theihna na neihmah bang un na khempeuh tungah pailet in zawhna zong na nei uhhi. Hih zawhna in Kei leh ka Tapa hi.

                 Ka Tapa Pau Cin Hau in Khasiangtho tawh leitung mite a dingin kha pumpi vanmi siangtho, Vantung nasepna te vantung sawltaak pi zohi, a zawhmah bangin vantungmi/galkap vantung sawltaakpi a zawhmah bangin noten zong na zoding uhhi. Kei leh ka Tapa it aa a um mite bek in na zoding uhhi.

                Leitungah suahkik hotkhiatna leh vantung lungdamna thu ka suan leh khak minam te suan leh khak hong suaksak ka Tapa Pau Cin Hau hi.

                Ka Tapa Pau Cin Hau hong it mahmah hong ngaih mahmah ka suan leh khak te nuntaakna siangtho hong piakik dingin Ka Tapa Pau Cin Hau Khasiangtho ii lim leh mel tawh Zatmi te kong paisak hi.

                Ka Tapa Pau Cin Hau hotkhiatna ,vantung nasepna hangin leitungah pianleh khan ki kheksak dingin ka Zatmi te kong paisak hi. Hih Zatmi te kong paisakna in note pian leh khan ki khekna ding a hihi.

                Ka gamnuam nong ciahni ciangun ka Tapa hotkhiatna a ngahlo te in ka Gamnuam a ngahzo keiding hi. Ka Tapa Pau Cin Hau in na belhding innpi a hihi.

~ ZOMI LENS

Share: