18/12/2025 (Thu): Sepnawnni nitak a Bishnupur district huamsung a om Torbung leh Phougakchao Ikhai khomite, kum 2 nung a akhua uh luah nawn ding, chi'a Relief Camp a kipat kithalawptak leh phurtak a akhosung uh lut dia akisakbemten laitak ua, meltheihlouhte'n thau akap ziak un, tuni tan huai khua tegel leh akiim a om Talpakte lauhthawngna leh patauhna in kidim uh hi'n thutut kingah hi.
Huai bang kal ah, buaina a om'nawn ding venna in leh khomite lungmuang-khamuang a a-om' theihna ding uh deihna in, huai khua tegel leh akiim ah _security_ sukkhauh in om a, niteng in mun _sensitive_ deuhte ah SF te tatsatlou in _patrolling_ pan den uh hi'n kigen hi.
Nilaini a SF te'n Sepnawnni nitak a thauginna mun leh asehvel etkhiatna aneihna uah, Pumpi 6 ban ah kg.3 a gik IED [medium-sized bomb] leh Single barrel 1 mukhia ua, IED pen ahihleh Nilaini nitaklam in munthawveng khat ah supuak uhi. SF te'n asukpuah uh hiai IED [bomb] 'ging' in mipite sulauthawng sawn² hi'n leng kigen bok hi.
©ššØš šš¦ šš§š¬š¢š š”š
.jpeg)
.jpg)
.jpeg)
.jpeg)
No comments:
Post a Comment
Comments not related to the topic will be removed immediately.