TSP Delhi & NCR Kipakthu Genna

Office of the

THANGKHAL SINLAI PAWLPI

(Thangkhal Students' Association)

Delhi & NCR Branch

Theme: Righteousness Exalts a Nation

Date: 02/12/25

KIPAKTHU GENNA

Amasa pen in i vaiguan lohchingtak a hung zou sak i biak Pa Pasian thupi na tengteng pia in Amin i phat uhi.

Tuabanah, sep diing bawl diing tampi nusia a Khalvontawi Meet 2025 mang diinga n'ung kalsuan ziak un mipite aneupen apat alianpen tan tungah Organising Committee TSP Delhi & NCR Branch Executive Member-te'n simsenglouh in kipakthu k'ung tun uh hi. Khat-le-khat i kithumantuah ua, i kiphalnate leh i pankhawm siausiaunate ziak ua vaiguan lohching ahihmanin kipakhuai mahmah e mataw? Tazen aw!

Panmun poimoh tuamtuam hung sukpichingsakte tungah lungdamna alian diak hi:

1. Thu manpha tampi hung gensak resource person-te - Pa Suanliankhup, Pa Khailianlal, Dr Jangkholam, Pa Khupliankap, Pa Ginmuanlal.

2. Laa ngaih taktak hung saksakte - Nu Rebecca Neikhochin, Nu Jamneiching @Chingbawi, Pa Khuplunlal.

3. Kizentak a auditorium booking hung bawlsak Nu Dr. Nemthianngai Guite.

4. Kimantak a zak theih diinga Sound Systems hung saisak Tg. Ginneithang.

5. Feltaka media coverage hung bawlsak Pa Bruce Khuplianlal Thangkhal.

6. Nihvei vingveng sa lei a hung taisak Pa Jangminlun.

7. Mimal a minloh khaklouh - mess, refreshment, program & badge designing & printing, decoration, usher, receptionist, sound system operator, tuanvai leh item tuamtuam a hung pansakte.

Hih atung a teng banah kiphaltak a Pastor Quarter, Gas Stove leh vanzak tuamtuamte hung zangsak Local Church Committee TBC (ABA) Delhi-te tung ah zong kipakthu ka tun uh hi.

Mihing hihna toh chitlahna, sepkhelh-bawlkhelh a omkhate hung ngaisiam diing in k'ung ngen uh hi.

I kimuh kiik matan un i biak Pa Pasian in hung ompih chiat hen!

TSP damsawt henla masawn zing ta hen!

Dr. Mangzamuan
President,
TSP Delhi & NCR Branch

Alex Hangminlian
Secretary,
TSP Delhi & NCR Branch

Share: