KSO DELHI & NCR: KIPA THU SEINA

KUKI STUDENTS' ORGANISATION DELHI & NCR

KIPA THU SEINA

7th February 2026

Delhi le akimvel a cheng Sopi, Ule Nao, Nam mipi te ho Kajanau Salam kahin pe uve. 

Akin le akhoh dungjuia hung kigong a, Permission kimu lou puma hin kibol hijeng jong leh Tuni Protest Rally lolhing sel le kitup sel a i-chai thei jal un Pathen thangvah na i-peuvin chule alolhin na theidia pan hinla Nute Pate Nungah Golhang, Amun a hung jouse hihen Innmun a Taona le moral support hinpe jouse chung a kipathu seijou lou kahin phong uve. Maban a jong Nampi issue aboi dungjuia hitia hi kilung toh tah a ipan khom jing diu hi Tepna le ngehna kahin nei uve. 

Chule tuni kin phatea gon doh thei ahi na dinga Sum le Paia eihin panpiu *KSO CITY BRANCH* ho jouse ahin chule *KUKI INPI DELHI* chunga atum beh in Mipi thakhel in Kipathu i-phong uve. 

PATHEN IN KUKI NAMPI PHUNGVUH JING HENLANG, NAM MIPI I-KINGAI LUT NAU LEH I-KI LUNGKHAT NAUVIN EI KAN GOM JING TAUHEN.

Kaki pah uve

EXECUTIVES, KSOD&NCR

Share: