Phungkhothang Guite Mawltual (Lamka Football Ground), Hiangtam Lamka ah a 78-veina Zomi Namni Football Tournament 2026 pailel zan January 31 in kimawlna match nih om nawn a, huai Zomi Football Club leh Golngai FC in vualzawhna tang in Round of 16 lut uhi.
A 78-veina Zomi Namni Football Tournament 2026 ahihleh Lamka Event in CCPur District Sports Assn. (CDSA) leh My Bharat CCPur tawh pangkhawm a a sai uh hi a, kimawlna match masa ah Pool D apan Round of 16 (Knockout) lut theihna chance neituak Zomi FC leh Neihsial Veng Youth Club kimawl uh a, tua kimawlna ah Round of 16 luttheihna chance neituak uh ahihman in hahpan mahmah uh a, naktak in ki-attack tuah mahle uh first half tan in goal kikhum zou omlou uhi.
Second half ah leng naktak in ki attack tuah nawn uh a, minute 39 in ZFC apan Jesse goal tungtawn in ZFC in 1-0 in makai uh a, hun beikuan minute 62 in ZFC in Lalminlun tungtawn mah a khum in 2-0 in vualzawhna tang uhi.
Zomi Football Club in vualzawhna a tan tawh kiton in point 6 laisuah in pool champion hi ua, Round of 16 lut in, Neihsiang Veng Youth Club ahihleh vuallel mahle uh chance neilai uh a, a match tawhna uah Youth Club of Pearsonmun a kimawlpih hun un draw tan in leng Round of 16 lut ding uh a, himahleh a vuallelh uh leh Round of 16 lut zoulou ding uhi.
Youth Club of Pearsonmun leh Neihsial Veng Youth Club in a match masa uah ZFC zoulou tuak uh a, huaiziak in a nih un vualzawhna tang penpen Round of 16 lut ding uhi. Match tawpna ah Pool E apan Golngai FC leh 1st IRB kimawl uh a, huai ah Golngai FC in Seiminthang leh Thangminlen tungtawn a goal 2 in vualzawhna tang ua, pool champion hihna tang in Round of 16 lut uhi.
Pool E ah 1st IRB in point laisuah zoulou uh a, zan a vualzou Golngai FC leh Sinlung Football Academy round of 16 lut uhi. February 1, 2026 in kimawlna omlou a, zingchiang February 2 in kimawlna match nih om nawn ding a, match masa sun dak 12 in Pool F apan Zenhang Lamka Youth Club leh Lamka Sports Club kimawl ding uh a, tua kimawlna ah Zenhang Lamka Youth Club in draw tan in Round of 16 lut ding uh a, himahleh Lamka Sports Club in vualzawhna a tan leh Round of 16 lut daihding uh ahihman in, hiai kimawlna pen team nihte a ding in do-or-die hiding hi.
Match tawpna ah Group G apan D Phailien FC leh Dynamic Football Academy kimawl ding uhi. D Phailien FC leh Dynamic Football Academy in match khat ah point 1 tuak laisuah uh a, vualzawhna tan louh tawp in draw tan in leng chance nei tuak mahle uh vualzawhna tang om leh vualzoulou penpen Round of 16 lut zoulou ding uh ahihman in, team nihte a ding in do-or-die hiding a, kimawlna etnuam mahmah ding hi.
Tunitan a knockout lut team-te ahihleh Pool A apan Symropia FC leh The Shepherd's Football Academy; Pool B apan Love Football Academy leh District Police; Pool C apan Ganggam Soccer club; Pool D apan Zomi Football Club; Pool E apan Golngai FC leh Sinlung Football Academy banah Group F apan Happy Feet Football Academy hi uhi.
Tournament ah Champion in Rs 2 Lakhs sang ding a, Runners up in Rs 1 Lakh sang in, Semi Final tan lut club nihte kiang ah Rs 10,000 tuak piak hiding uh a, Quarter final apan Man-of-the-Match Award om ding banah best player, best goalkeeper leh top-scorer kiang ah leng kipahman piak hiding uhi.
A 78-veina Zomi Namni Football Tournament 2026 om sung teng Ticket system zat hiding a, mi khat lut man Rs 20 lak in om hi. Tournament ah Lamka pansan Football Academy team 7 kihel uh a, Kangpokpi District apan chial aom guest team 2 - Football 4 Change leh Sadar Hills Football Academy tel in football team 25 kihel ua, guest team nihte Knock-Out Round apan kimawl pan ding uhi.
A 78-veina Zomi Namni Football Tournament 2026 ahihleh Lamka Event in CCPur District Sports Assn. (CDSA) leh My Bharat CCPur tawh pangkhawm a a sai uh hi a, kimawlna match masa ah Pool D apan Round of 16 (Knockout) lut theihna chance neituak Zomi FC leh Neihsial Veng Youth Club kimawl uh a, tua kimawlna ah Round of 16 luttheihna chance neituak uh ahihman in hahpan mahmah uh a, naktak in ki-attack tuah mahle uh first half tan in goal kikhum zou omlou uhi.
Second half ah leng naktak in ki attack tuah nawn uh a, minute 39 in ZFC apan Jesse goal tungtawn in ZFC in 1-0 in makai uh a, hun beikuan minute 62 in ZFC in Lalminlun tungtawn mah a khum in 2-0 in vualzawhna tang uhi.
Zomi Football Club in vualzawhna a tan tawh kiton in point 6 laisuah in pool champion hi ua, Round of 16 lut in, Neihsiang Veng Youth Club ahihleh vuallel mahle uh chance neilai uh a, a match tawhna uah Youth Club of Pearsonmun a kimawlpih hun un draw tan in leng Round of 16 lut ding uh a, himahleh a vuallelh uh leh Round of 16 lut zoulou ding uhi.
Youth Club of Pearsonmun leh Neihsial Veng Youth Club in a match masa uah ZFC zoulou tuak uh a, huaiziak in a nih un vualzawhna tang penpen Round of 16 lut ding uhi. Match tawpna ah Pool E apan Golngai FC leh 1st IRB kimawl uh a, huai ah Golngai FC in Seiminthang leh Thangminlen tungtawn a goal 2 in vualzawhna tang ua, pool champion hihna tang in Round of 16 lut uhi.
Pool E ah 1st IRB in point laisuah zoulou uh a, zan a vualzou Golngai FC leh Sinlung Football Academy round of 16 lut uhi. February 1, 2026 in kimawlna omlou a, zingchiang February 2 in kimawlna match nih om nawn ding a, match masa sun dak 12 in Pool F apan Zenhang Lamka Youth Club leh Lamka Sports Club kimawl ding uh a, tua kimawlna ah Zenhang Lamka Youth Club in draw tan in Round of 16 lut ding uh a, himahleh Lamka Sports Club in vualzawhna a tan leh Round of 16 lut daihding uh ahihman in, hiai kimawlna pen team nihte a ding in do-or-die hiding hi.
Match tawpna ah Group G apan D Phailien FC leh Dynamic Football Academy kimawl ding uhi. D Phailien FC leh Dynamic Football Academy in match khat ah point 1 tuak laisuah uh a, vualzawhna tan louh tawp in draw tan in leng chance nei tuak mahle uh vualzawhna tang om leh vualzoulou penpen Round of 16 lut zoulou ding uh ahihman in, team nihte a ding in do-or-die hiding a, kimawlna etnuam mahmah ding hi.
Tunitan a knockout lut team-te ahihleh Pool A apan Symropia FC leh The Shepherd's Football Academy; Pool B apan Love Football Academy leh District Police; Pool C apan Ganggam Soccer club; Pool D apan Zomi Football Club; Pool E apan Golngai FC leh Sinlung Football Academy banah Group F apan Happy Feet Football Academy hi uhi.
Tournament ah Champion in Rs 2 Lakhs sang ding a, Runners up in Rs 1 Lakh sang in, Semi Final tan lut club nihte kiang ah Rs 10,000 tuak piak hiding uh a, Quarter final apan Man-of-the-Match Award om ding banah best player, best goalkeeper leh top-scorer kiang ah leng kipahman piak hiding uhi.
A 78-veina Zomi Namni Football Tournament 2026 om sung teng Ticket system zat hiding a, mi khat lut man Rs 20 lak in om hi. Tournament ah Lamka pansan Football Academy team 7 kihel uh a, Kangpokpi District apan chial aom guest team 2 - Football 4 Change leh Sadar Hills Football Academy tel in football team 25 kihel ua, guest team nihte Knock-Out Round apan kimawl pan ding uhi.
Headlines Today
.jpeg)
No comments:
Post a Comment
Comments not related to the topic will be removed immediately.