Pu Michael in Kukite NIA Case neiho Huhdoh Jing

PU MICHAEL LAMJATHANG THADOU IN KUKITE NIA CASE NEIJOUSE LE PRISONERS HO HUHDOH JING CHULE KUKI MIPI TEN ACHA ANAO AKIMAN HO HUHDOH PEH DIA TAO JINGU!

Thadou Lamkai Pu Michael Lamjathang in Kukite lah a akiman ho ana huhdoh jing ho a themkhat gah veu hite:

1. Pu George Thangkholal Haokip: Kuki Country thu leh Kuki te drugs a kiman leh alei bol jing ho leh sumkol veina a mang jing ho panpi nathu aseijing jeh a Kuki minna kiman ahi. A sopi aphung achang chanpi Telsing ho alen-lal ngen ahi vanguva ana pum-don lou u ahi. Achaina in, "Pu Michael Lamjathang chu vo kanao nang neihuhdoh loule koima sopi kuki chanu chapa kanei tapoi," atia ajinu kisan in ahinsei phat in, hijeh a chu khatpan jong ana boipi kit ahitai khankho a.

2. Pu Mangboi Haokip (Self-styled KNA Spokesperson): Ama jong ana achunga pa toh case mibang thim in ana kiman in ahi. A sopi pa KSO(B) Prez atuh jing laiya bei khat thilong geiya mutalou dinga aum a, kaple maova aum laitah a ama jong ahuh di a sopi Kuki chapa chanu nam mi umtalou, Kuki minna kiman hijongle koiman ana don kit tapoi. Achaina in, "Vo kanao Michael," tin achunga pa banga khu Pu Michael Lamjathang maman ana lhatdoh kit ahitai.

3. Pu TT Haokip (Ex-Minister & Ex-MLA): May 3rd boina kipat tillaiya New Lambulane a inna umjing ahin, hinlah vangset um tah in a self defence thal bazar a alha khah jeh in police in aman tan ahi. Ama jong hi NIA case toh kisai a genthei hahsatna to ho lah a pang khat ahi in, Kuki Lamkai dang dang hon ana don lou lai uva, Pu Michael Lamjathang in pan analah pi a, huhdohna lampi anagon peh ahi.

4. David Khaigoulen Kipgen @Gamngai Media: Galkhoh laitah a Drone apoh jeh in Assam Government in NIA case in ana man in, amajong Kuki Lamkai adon thei di aumtah lou jeh in, "Ka u Michael," tin ana bel in, achung a ho bang mama a ana huhdoh kit tan ahi.

5. KSO Lamkai Leimata Area teni (Boisawm le aloipa): Gallaiya Meilhei Chapang 2 ana that Leimata ho KNA/KNO in NIA case in ajih lut sah un, amaho kah kitomona jeh a pumgo thilto maicham a kho hephalou Boisawn leh aloi khat Government khut a ana peh u ahi. Henglep MLA pa leh Sasang Vaiphei in jong upai aneihon lou ahidan Guwahati NIA Jail a jong aseipeh tauvin adon tapouvin ahi. Kuki minna jail kalut a Kuki minna eiladoh ding khatcha kamu joupoi tia akigel lhaset nung hon in, apa ten Thadou lamkai te lekhathot ana bol un taona ahin nei un ahi. Achaina in koima dang hilou Pu Michael Lamjathang mama in ana huhdoh kit hontai.

6. Pu Mark Thangmang Haokip: Ama jong Kuki Country thu asei leh aboipi jeh a kiman. A sopi a u anao ten asun ajan in tang louvin nungah phatah hel in ahel kit un, Kuki Lamkai hon Pu Mark Haokip te chu anungsun uva ahaimil del nung un, apenna pa tah in Pu Michael Lamjathang maichang tah a ana request in. Hiti chun nile lha ahung kihei in, Pu Michael mama in ngailut neitah in ana huhdoh kittai.

THUCHAINA LE KUKI MIPI HENG A HETSAH:
Kuki Tribe mipi teho, igam uva thil umdan hi phatah in ngaito chet u hite. Pu Michael Lamjathang hi nang hon Kuki te "Betrayer" tia na mu vang uvin, a natoh hi gah ve chet uvo. Ama ahipoi nangho joulhep a chu! Why? Because ama in Kuki kahi khapoi, Thadou bou kahi ati. (Hiche hi India Danbu dungjuiya asei ahi, India danbu dungjuiya Thadou leh Kuki hi Tribe ni a kikhen thengset ahi. Kon akhen? Kuki hon. Itih a? 2003 kum a joulhep a um chu nang ho Kuki Mipi kiti ho nahiuve. Kon nalhep u ham? Kuki Mipi betrayer chu na MLA, Minister, na Thingnoi (UG) te chule na CSO, Hou lamkai ho khu ahiuve. Nangho Mipi deilhen leh thalhen "Separate Administration" (SA) kiti chu aman chah uva, kholhang nakhon uva, nangho pumsuh a anei uva sum le pai holna a aneiyu ahibouve. Gal sunga MLA ti CSOs ti Thingnoi ti inn thupi pi tungdoh a, Gari thah kichoh ngen ahi tauve.

Chule tua na lungdon teng uleh TIM Lamkai ho koma natao diu tina ham? Tun jong na lungdon phat un TIM office a mi atao kigu adim in naum jing uvin, koi joh hi 'Line' kapeh masat diu ham ti a avel a kisei ngai kit ding abang tai. Ijakai hi phatah in gel u hite, migenthei huhdoh a pan la jing chu koiham ti hi!

~ THADOU NAM 

Share: