PRESS RELEASE
Kuki Flag Thahsem Dinga Tiepna
Dated: Chandel, 6th May 2026
Amasan Kuki flag hinsem lamkai ho KHIPC in kaja nau leh ka ngailut nau chibai kahin bol uve.
Jat leh nam khat chun flag anei ding poimo ahijeh in, KIM leh CSO lamkai dang² hon Kuki flag nahin sem uvin, ahinla, flag kisem chu akiven ahileh Kukite kihetna, Kukite kimelchih na imacha aum tapon hijehchun, Kuki History & Identity Protection Committee (KHIPC) in hiche Kuki flag kisem hi lamkai hon athah siem diu leh avelvet diuvin tiepna ahung kineiyin ahi.
Flag kiti hi kimoh sem² thei ahipoi, Kukite flag achu Kukite identity aum ngai ahi. Kukite identity ho chu vahai lim, siel lim, ponsan leh thihnang lim, chuleh gal-hang te kihet na chu humpi, keipi ho lim ahi. Hiche a chunga kisei hohi Kuki nam mite kihet na identity ahi. Hiche ho lim mangcha'a hi flag ikisem diu ngai ahi tichu lamkai ho leh mipi hon jong ihet them diu poimo akisa in ahi.
"Kukite hi Manmasi kiti Israel nam vahmang ho ahi ahilou photchet na dihtah umlou ahi. Israel ihiuve tia sei ho history leh history dang ho seidan jong kitohlou ahi. Hijehchun, jat leh nam khat in flag ki neiya controversy flag ahi ding jong thil hoilou tah ahi."
Sopite, thu kisei hi ki taimo na, kidem na leh thilse lam in gel pou hite. Kuki kiti hi India, Myanmar leh Bngladesh a cheng nam lentah ihiuvin, lunglen tah in natong utin, lunglen tah in ki vaihom ute.
Department of Information & Punlicity, Kuki History & Identity Protection Committee
No comments:
Post a Comment
Comments not related to the topic will be removed immediately.