TUKUM KA PIENNI HIH A GIMNEI IE! ~ Rev Dr Kh Khaizakham

 Rev. Dr. Kh. Khaizakham in mipi le Sina tuoh insung mite hanthawnna aneina

Zani Rev. Khaizakham te toh gari a toukhom khat in  zani Ambush na report. Zoujangtek a jong Ann ne khawm uh ahi.

TUKUM KA PIENNI HIH A GIMNEI IE!

        Tuni tarik 13/05/26 zingkal baihtakin Kangpokpi a KIBC a nupa'n camp dingin Tuibuong apat kakipan dawk ui zie ni hih kei a dinga ka pienchampha ahi.  Mi thum kahiu a Rev Khaizakham, Evan Lelet leh kei kahiu hi. Ka gari chutnau chule " HEKACHOH" a kiti a bolero ahi. A vaima thei chin a tung dingin ka driver pau in Kashmir veng ah ei hun pick up a tichun Pa Khama kavak la malam u a taipai zieng kahiu hi. 

Zoujangtek a chun tu a thihna tuokte cheng kha tawle an ne khawm Pa Khama vang chuh amau haw tawh lim le kila ahiu hi. Tichun kei u gari khah a kinawh pen ahih ziekin nitak program huom tei tei na ding khan katai masau hi ahinla Tupul vel ah tua thihna tuokte khan hatdeuh in ei hun delh khel ui.

 Minute 10 vel hal hin katai u a kei u chuh Kotlien katun un thau kavak thun u a zie kal cha chun ambush ana um ta a ka driver pau in thakhat in a buoi a um e tin gari a hun kham a ka kichawl mai ui. Kei u khah ei delh khel kileu chuh kei haw khan tuok kha ding dan kahiu hi Lalpa hun tiem tung nailo himai ina. 

Chawmkhat zawh a Army leh police te hung zawh in kanaih phei u a a ambush namun uh katung u a lungthim vâng a gik khawp mai hi. Reverend thum hiel lampang a hung kisiel zieng vang et ahak mah mah hi. 

Ambush na suokcha khat Pastor Hekai Simte tawh thil umdan haw kagen khawm u a bangti um zel ding nasan hetheilo in ka um ui. A tawpin police ten puok ding a hun vaisai u a Pa Khama tawh  a luong chuh ka zui u a Ambulance ah Kangchup lam hawh in Imphal ah ka lut u a Sekmai lama pawt in Gamgiphai ka tung u a mipi tamtakin eina dawn u a damtakin Kangpokpi katung ui. Lalpa'n ei puih dan haw hih amakin a lamdang ahi mai hi. Ahi thihna lim guom hawh mah lengle thil phalo mâwng mâwng lau hiel puong ka Nang ka kawmah na um ngal a tih hih kei nih a ding a hi diek taluoi. Neina pauchamsak nau zal vek ahi Lalpa'n hun vângsak chiet u hen. Tunitak hileh camp hih kapan thei ding um!

 14th May 2026

Share: