Tuibong Khopi le akimvel a Bitna, Khantouna leh Machalna umding deisahnan KNF-Z le Tuibuang Area Youth Club(TAYC) in Nam mipite hetding le juiding in anoiya thuso ahung kibol in ahi.
1. Tuibong Area a koima khamnathei (DRUGS) joh le abol umthei louding ahi. Khamnathei kiti pou pou kidoudal ding ahin, ihamtia ajoh le abol aum teitei khah’a akimatdoh le a case sangtah a kila ding akitopi bang gotna kipe ding ahi.
2. Jalhang lah (PUBLIC PLACES) a japi vetset a judon chuleh jukham’a boina sem umthei louding ahi. Tuibong Khopi hi THEMJILNA MUNPI ahina a simlai ho bitkei le lungmongsel a Chele-Vale chule athemjilna’u aboipi thei diuhi Nam mipi jouse mopohna ahi.
3. GARBAGE: Bazaar sung, lampam ho chule drainage hoa Garbage/Nen koiman aboh tahlou ding in hetsahna ahung kinei e. Bazaar Area a dukan bol, mejoh, vanjoh hihen ipi joh hijong le Garbage Subscribe bollou jousen subscribe abol sohkei ding, koi tobang garbage paithaang aumle ₹3000/- fine kila ding ahi.
4. SUNDAY MARKET: Sunday nikho le Tuibong Area a koima lampam lah’a mejoh-sajoh anopnop namun’a mohtou tou umthei talou ding in hetsahna ahung kinei e. Atou dinghon aki gonpeh namun bou a kitupsel a touding ahi.
Achung a kisei hocheng hi KNF-Z, Tuibuang Area Youth Club (TAYC) chuleh Tuibuang Area Womens Welfare Association (TAWWA) in khaotah a hung kivesui ding ahin Nam mipi jouse’n ina juicheh ding uvin hetsahna ahung kibol in ahi.
Sd/-
Town Commander,
KNF-Z
Sd/-
President,
TAYC
.JPG)
No comments:
Post a Comment
Comments not related to the topic will be removed immediately.