Open Letter to Kuki CSOs & UG Leaders of Ccpur District

1. Pu PS Haokip leh aloi atohkhompi Nam Sepai lamkai ho: Meilhei Gal hung kipatna hi Churachandpur Dist sung ahi. Hinlah Kangpokpi miten Nam Gal ahi jeh in kachennau Gamkai tin ah nangho thohna pohnat najeh in lethuhna kana nei uvin, Kagam u tampi leh mile sa tampi kachan tauve. Tuhin Meilhei Gal akichaijin, Kacha Naga Gal akipantai, ahileh ipi jeh a KNO noija UG 17 val um hon tuni chan na Kangpokpi District thohna hi pohnat naleh panhu naa ima nanei lou uham? Ipi jeh ham? Ikah uva hi Ong-hom ipi um ah ham? Ccpur akipat Kangchup, Leimakhong leh Motbung chan hi iki kap hong uva Jiribam Road jong ikha tan thei u ahitai. Ahileh ipi jeh a tuni chan geija Kuki min na Thalchoi Ccpur Gamkai a um ho koima kipan doh lou beh nahiu ham?

2. Kuki Inpi Ccpur leh abahkai ho: Ipi atileh Kangpokpi District sung ahi haptaseh tobang a Thi Op naleh lunghem puldouna kithoh jing a Ccpur a um Kuki CSOs khat cha beh in lainat naleh lunghempi vetsahna a ima nabol lou beh uham? Ipi jeh a nilhah sim seh leh Turf Ground mun na Night Concert, Night sports, Picnic leh Golnop jat chom2 kibol hohi CSO khat cha beh in nakham lou dan uham? Meilhei Gal a Ccpur miten Thina nahinto teng uleh Kangpokpi District leh mun dang a cheng hon Thilong kahin Op huu ji uva kahin lainat huu ji nahiu hilou ham?

3. Tengnoupal, Chandel leh mundang dang a cheng leh aum Kuki chaten tuchung Kacha Naga Gal a Kangpokpi te thoh genthei nahi nalai u na lou lai ah ham? Phate tah in ana gel cheh un...

4. Tuhin jet le vei ah Economic blockade eiki bol khum uvin, Hem le Thal a eiki bulhu uva eiki tha u keu hilou vin economic War eiki bol khum uvin, Neh le chah Thao leh Lou le Ai chuleh kijenna ding Hospital pha le hoi jeng jong jon theilou vin ka um tauve. Thilman atam theijin, choh ding tahbah jong akimu jou tapon ahi.

5. Tunia hi Kangpokpi District in Dy CM nala uvin Nam politics nathat uve tia lamkai phabep hi silent nahi khah uva ahileh vang nikho khat leh keihon jong alethuhna phat kahin nei kit ni uleh kahin gal vet ding nahi uve. Na het diu chu PG support hi Kuki MLAs jouse leh SoO noija um Thingnoi jouse nahi uvin, Kangpokpi te seh2 kahi pouve. DY CM post jong hi KPi te sang a ccpur Thingnoi lamkai holeh MLA khat in nana thum masat u ahi. Tuchung a DY CM post nachan lou jeh uva Kangpokpi te hi DY CM nun kihuhdoh nau vin te tia neigel khah uva ahileh keihon jong kahin nathei nadiuva Meilhei toh kikah a cham naleh lungmon na aum na ding a pan kahin lah diu SA movement chu teldeh ding ahitai.

Ajeh chu tupet hin kijenna ding Hospital jong kajon thei tapouvin, nehle chah jong kaki pohlut thei tapouvin, Pule paten Thi sang in hin aphajoi atiu chu kahin bol doh nikho uleh nam mipi koiman Kangpokpi District mite neihin oimo lou diu ahi.

~ Lemual Thangkhanlen Kuki
Kangpokpi Town (Kukiland)

*via W/A

Share: