Pi Kimneo Hangshing in Taphou khomite vilna ana nei

14 Hostages Family ho lhamon na jong ana nei.

TAPHOU: 3rd June, 2026 |  Wednesday 

Saikul MLA Pi Kimneo Hangshing in tunin Senapati district sung a midangte khutna tangden Kuki chapa 14 ho chenna Taphou Vangkho vilna ana neijin, Hostages Family ho tilkhou naleh lhamon na jong ana neiye.

MLA Pi Kimneo Hangshing in hentaang a um sopi cheng damsel a hung kilhadoh nading chung chang thu a amanjong ajochanna apanlah dan ana seijin, amahohin bol khel toh khel leh seikhel ima anei pouve, Kuki chapa ahi jeh uva midangte khutna hentaang a um ahi uvin, damsel a hungdoh thou2 ding ahi uvin, lungneo hih uvin lang taonan lhut jing ute atin, hitoh kilhon in Taona Maicham ₹1,000/- ana koijin, alhonpi a team holeh khosung mite chuleh hostages Innsungmite cheng toh sopi ho damsel la ahung kilhadoh theina ding uvin  Taona ana mang khom uvin ahi.

MLA Pi Kimneo Hangshing in hentaang a um sopi cheng ding in nehle chah jong ana pe in, chuleh agimnau leh acholnau thoh-hu  vetsahna in Hostages Family hojong Sit in Protest phat chomkhat ana tou pi in ahi.

(KimneoForSaikul)

Kuki People's Alliance, KPA

Share: