Date 30 June 2026 (Thawhleh ni) chawhma dar 11:00am khan MPC HQ Manipur chuan, Mizorama ramhnuai sawrkar leh India sawrkar inremna ziah champha (Peace Accord) vawi 40 na puala, a lawmna inkhawm a buatsaihah pawl aiawha mi tlemte sawm zingah ka tel ve hlauh maia, vannei ka inti in ka lawm hle mai.
KUKI INPI...
HMAR INPUI...
ZOMI COUNCIL...
te leh an hnungzui te nen mi 34 Puitling thehthawh kalkhawm te chuan, he hun pawimawh leh hlimawm tak hi kan hmang ho a ni.
MPC president Pu K Lalbiaksangan meeting a kai hruaia sawmbik INPUI PRESIDENT theuhte tawlhloh diar bahtir an ni.
Rev Laldawnglianan hunserh hmangin MPC Vice president Pu Mangcha Thangzom in programme buatsaih chhan tawi fel taka a sawi zawhah, HMAR INPUI president thusawina hun pek a ni a.
Hmar inpui president in thusawina a neih zawh hian...
ZOMI COUNCIL leh KUKI INPI in thu an sawi ve leha, kuki inpi hian INPUI PRESIDENT theuh te thilpek an pe pah bawk....
Inpui hruaitute theuhin thu an sawizawh hian hming lam meuhva thusawi tura koh awmchhun Pu LB Sonan thusawina a nei ve leha, a duh a piang tan hun hawn niin mi mi pali (4) lai in an sawi leh a ni.
A sei lutuk loh nan sawi tute thusawi a hlawmin ( a hole sale in) ti hian in khaikhawm dawn chhin teh ang.
Thusawi a piangin he Peace Accord (remna ziahna ni) tum 40 lai hmang theia kum 40 lai mai zahawm taka vawnnun a nih hlutzia uar takin an sawi theuva.
Intihrang thei kan nilo bul hmunkhat, behkhat, tawndan khat, sakhua leh culture hmunkhat kan nihna te, mizoramah chipeng hrang hrang te MIZO ah kan lungrual maia engtizia a helai (manipur) kan tih/ nih theih miahloh thu an sawi tlangpuia.
Sawitu tam zawkin tuna helaia MIZO ka ni inti te hi 'tlemte angin lang mah ula in buk (weight) a rih zia leh state neitu (state base) in nihna hrethiama hmangthiam tur in ni' tiin he ram politics chiri tak mai pawh hi nangni hi awmze neia hmala thei awmchhun (people movement tan thei) inni tiin uar takin min fuih a ni ber.
Thusawi tu zinga mi Pu LB Sonan Mizo (e-nga) tawng hmang ngeia kum 39 zet kalta a, inremna ni champha Lamka Public ground a ropui taka an lo hman tawh dan a sawi leh Zohnahthlak te inpumkhatna tura tangkaina a nei ve thei a nih chuan englai pawha a tlanchhiat lohtur thu a sawi chuan kalkhawm te beng a verh hle.......
Zomi council lam a tanga lokal pakhat pawn Mizo (E-nga) tawng hmang ngeia thu a sawi te.........
Pu Hrila hmar in eng hian nge MIZO kan nihna la dala MIZO kan intih mai loh ti a uar taka a sawi te....
KIM Vice president in keini hi Manipur hill district tinah kan awma........rorel fel a harzia sawi paha......
Churachandpur district chauha awmve ni ila chuan MIZO kan intih na a rei tawh ang tih thu a sawi te chuan kalkhawm te lawm a hlawh hle.
Sawitu tamzawkin inhmuhkawm fo ( meeting) a tul leh pawimawh an tih thu an sawi theuh bawk.
Women wing lamin an lo buatsaih thingpui ruai chu hlimtaka kan kilho hnuah, MPC vice President in tawngkam tawite in zanriah kan lo buatsaih lo pawi kan tihzia thupha chawina a sawi pahin kalkhawm te tihve tur leh tun a tanga hun reilo te ah inkoh khawm leh thuai a nih tur thu a sawi a.
Vice president in huntawi a hman zawh hian meeting conductor in a sawm angin HMAR INPUI in huntawp tawngtaina a hmanga, REMNA NI KUM 40 LAWMNA hun chu hmang zovin hlimtakin kan tin ta a ni.
~ W/A
No comments:
Post a Comment
Comments not related to the topic will be removed immediately.