YPA Khominthang Unit Crystal Jubilee Trophy

YPA GHQs. leh YPA New Lamka Block makaite'n YPA Khominthang Unit CRYSTAL JUBILEE TROPHY Final hun uap.

YPA Khominthang Unit in a 15 veina Raising day toh kituak a Crystal Jubilee Trophy, kimawlna tuamtuam a sai uh July 9, 2026 (Ningani)nitak in PLD Turf, Thingkangphai ah zatzoh in omta hi.

Hiai hun ah Chief Guest ding in Pu Lianmuanthang Valte, President, YPA GHQs. chial in om mahleh damlouhna ziak in tel theilou hi. Pu Chinkhenmung, Vice President, YPA GHQs. in Chief Guest hun la in,  Pu T. Lawmpi, General Secretary, YPA GHQs. toh thugenna saulou tuak zang in YPA GHQs. apan YPA Khominthang Unit President kiang ah deihsak thilpiak piakna leng nei uhi.

Pu S. Manlian, President, YPA New Lamka Block, Guest of Honour apan thugenna saulou om a, YPA New Lamka Block apan deihsak thilpiak Pu Tuanzakhup, Secretary, YPA New Lamka Block toh pekhia uhi.

YPA Khominthang Unit makai te'n leng YPA GHQs. leh YPA New Lamka Block te deihsak thilpiak manpha mahmah LOHPI piakna nei tuaktuak uhi.

Kimawlna patna di'n YPA New Lamka Block makaite toh YPA Khominthang Unit makaite'n  Futsal Exhibition Match nei uhi. Futsal Final ah YPA Khominthang Unit Sector 5 toh Sector 6 kimawl in Sector 5 in 4 - 2 in zou uhi. Chief Guest Pu Chinkhenmung, Vice President YPA GHQs. in Vualtung tuang Sector 5 te kiang ah Trophy pekhia hi.

Hiaibang a nna thupi sem leh zou thei ding a YPA Khominthang Unit makaite panlakna thupi mahmah a, tuailaite kithutuak leh pumkhat dan uh etton tham mahmah uhi. Maban a leng hatsem leh masawn sem hong hih uh i deihsak mahmah uhi.

YPA khangtou in masawn zel hen!✊

~ W/A