PATHEN AKHAT NA KOIDING ~ Phaihel Joujam

Keihi Pathen in kidang tahtah in eipuihoiyin, abang komleh nuijat jong kaumyin ahi, keihi kamol/kachihlou bangbang in Pathen in kahetthem thei dingin mol tahtah in thil eimusah jin ahi. 

      Kum 2012 kumbul chun keiho boubung numei ho jong kilhen thah ding kum ahung hitan, keijong chu ginchat loupin chairperson in lhendoh in kaum in, kidang kasa lheh in geldan jong kathem theipon ka inneipu chun eisonlou hel dan ahin "Hiche vang joupon nate lahda jeng in" eiti tan ahi. Katehpu chun hitin asei kit in "Min Pathen natong dinga nan lhendoh chu nale pehkit leh phaponte" eiti kit in ahi.

    Keijong chu inn kalhun chun Pathen henga katao tan ahi "Hepa, hiche panmun hi kajo ding kaginchat lou jeh in kala ngampon nei hethem in" tia katao laitah chun kalungthima kichen tah in Joshua 1-9 ahung kilang tan ahi.

Joshua 1-9

Pangdet'a lung ngam dia kaseipeh chu geldoh jing jengin! Kichat dan, lung thoidan, Pakai na-Pathen Ken nachena chan a kalhonpi nai," ati.

       Pathen in nache nachana kalhonpi ding nahi tichu kalungthima kichen tah in ahung um tan ahi. 

      Chutia katao jing lai chun kichen tah in "Nei tahsan lou leh chenlang nupi khat (Amin seida jeng kate) koma khun na oisunga um naocha hi pasal hiding ahi, amin jong Joshua hiding ahi katin" tin eihin seipeh tan ahi, keiho houbunga nupi khat in nao avop ahin ama ho inn achun kachen thil um dan kaseiyin taona kaman pehtan ahi, a oisunga um naocha jong pasal hiding ahi tichu Pathen hatna songpum chun kasei tan ahi.

        Achomlam in kiseileh, che nupi nu chu cha numei khat anei ahitan, cha pasal anei diu tithu Pathen in eiseisah chu akipah lheh uvin ahi, achanei nikho ding ahunglhung tan, Doctor nu chun nupi nu naocha chu numei ahi ding thu ana seipeh kittan ahi, che achun nupi nu jipa chun eihin call tan "Pi Jam, naocha chu Doctor nun numei ding ahi atin, hinlah nang in pasal ding ahi nati in iti ding hitam?" Ahin tin, keichun taona hin mang tadinge katin taona kaman pet chun Pathen in naosen pasal melhoitah eimusah kittan ahi.

     Kagah call kit in naosen chu pasal ahi ding thu kaga sei kit in, tichun phat chomkhat jouchun chapa melhoitah ahin neithu ahin seitan ahi.  Haleluiah Pathen loupi penhen tin kasam leu e.

     Tichun Pathen in keijong eina mangcha lheh in aman eikilhonpi ahi tichu hetthei dinngin aum in ahi, kei kammol kahin hinlah numei hon thil kajoh jiuvin mi officer len tahtah chuleh mi jat chomchom te inn a kilut ji ahin, kei Chairpersion kahi jeh chun natoh lama jong  amasapena kapan ji angaitan, Pathen henga kamthem na tidiham paothem na kathum jin ahi, kidang tah in Pathen in kajachat setna ho jong eilah mang peh in, kamthem na tidi  ham paothei na hojong eipe tan ahi.

       

     2014 chun facebook kahin lut in thusut kahin pan kit tan, kaloihon kidang asalheh uvin kei kammol in hitia kapenpi pao jong hilou Hmar paova  thu kahin sutthei jeng hohi ka inneipun eisutpeh hidin ana gingcha jiuvin ahi, kidang tah in Pathen in eikilhon pi jing in, chairpersion jong kum 6 jen eipan sah uvin ahi.  

     Keihi ka inneipu hi mifel tah leh miching tah ahin, kaja lheh in ahi, hinlah ama sanga kaja joh leh athu kaman joh chu Pathen thu hi ahi. 

     lmalam jouse ahi Pathen amasa pena ikoi leh aman bolmo ima aneipoi tichu ihetsao hijong leh Pathen loupina dinga kahin phondoh ahije.

~ WA