TON THUPITAK OM DING

TON THUPITAK OM DING
- Khaalnou

Manipur a Zo suan te lak ah Pupa La leh Sannem La Sak siam mahmah Zogam Leidi Party kichi pawl in TON thupitak in neih sawm uhi. June 24, 2009 chiang Manipur Lamka a Zoumunnuam khua ah TON zak hiding hi.

Himi hun a zin gun milian a pang ding te:
Chief Guest : Pu Ranjit Singh (Minister of Work & Press, Govt. of Manipur)
Guest of Honour : Pu Jaiyenta Singh (Minister of Education, Govt. of Manipur)
Functional President : Pu T. Gouzadou, Ex-MLA
Chief Host : Pu T.N. Haokip (Minister of Tourism, Govt. of Manipur)

Zogam Leidi Party te pen ei Zo La - Thangkhal La sak siam vawt a minthang, amau bang a sak siam tukhang in om khol nawn lou hi. Amau un sannem la asak chiang, aza kha khempeuhte 'lungsim mitkha' ah pupa te tawndan, ki-it dan leh kingaihdan tampi ngaihtuah khia sak zou hi. Hi lasa pawl pen ei Zomiten 'Paktawina' piak dia kilawm ahi uhi. Hi Zogam Leidi Party in Zo suan te tawndan nak pin tawisang hi chi lei i khial kei ding.

Ton pen pupa hun lai a gualnop chi khat ahi a, mi maimai in ana bawl/sap zohlouh pawi khat zong ahi. Tulai ZO suan khangthak tampi'n 'Ton' kichi nangawn phawklou leh theiphalou bang om ta hi.

Zogam Leidi Party a makaitu Pu Selchinlaang (Adviser), Saiboh khua mi ahi.

Tulel in Zoumunnuam khua leh akim apaam in Ton Ni ding haibang ngaklah uhi.

Share: