Mizogam sunga Aizawl khuapi a om Sia Kham Suan Pau in tunai in Mizoram University, Department of Physics panin Doctor of Philosophy (Ph. D) ngah thak hi.
A dissertation pen, “Thermo luminescence Science of Naturally Occurring Salts Relevant to Dosimetry Obtained from Mizoram” cih ahi hi.
Sia Kham pen Aizawl Zomi Baptist Church ah Local Secretary sem laitak hi a, ZBC gambub khangno kipawlna Zomi Baptist Youth Fellowship ah President semin, ZBC gambup Relief & Development Board ah member khat ahih banah, ZBC Ececutive Committee ah Secretary Junior dinmun a let laitak hi.
Tua banah, Aizawl Zomi Innkuan ah Secretary leh, Zomi Cultural Society, Mizoram ah Asst. General Secretary a sem laitak ahi hi.
Nasepna lamah Regional Cancer Center, Aizawl ah Radiologist sem a, Radiation Safety Agency, Mizoram-ah a lianpen ahi hi. A lawmnu Sia Elizabeth Hatzaw, Mizoram University professor tawh tapa khat nei-in Mizoram University campus ah teeng uh hi.
Hih banga Pasian a zahtak leh minam a it mahmah khangno khat in hih bang lawhcinna hong neih pen kilungdampih mahmah hi.
.JPG)
.jpeg)
No comments:
Post a Comment
Comments not related to the topic will be removed immediately.