Myanmar a Thangkhal khua zinna Report

Lamka 2018-April-15: KHALVONTAWI Whatsapp Group Admin Tangval Khamlianthang TK apat in Tiddim lam a Thangkhal khua a zinna report ngah khiatna ina nei ding hi. Ama ahi leh tu leh tu in Inn lam (Lamka) lam ingh tung nai lou ahi man in, Thu chian zaw kithei nai lou hi. Online tungtawn apat in hidan in Thang TK apat in Report kingah hi.

"THANGKHAL KHUA LEH TUI VA ET NA"

Kei kahi le Khamlianthang s/o Upa. Kaikhansuan of New Mission veng (Thangkhal Veng) Hiangtam Lamka a om ka hi a, kaneu apat in Thangkhal ham zang leh, Thangkhal minam sunga khang khia ka hi hi, Pasian in ham leh pau tampi abawlte lak a Thangkhal minam (Thangkhal Tribe) sung apatin Ka Nu ka Pa te zong ana khang letna uh Thangkhal ahi hi, Chi leh Nam, ham leh pau ngaina mi ka hi hi' chi amasa penpen in ka Thangkhal pihte kiang a kong kipulak ut masa hi. Mun tuam tuam a om Thangkhal KHALVONTAWI te muh thei ding in limte leh ka zinna report tomkim kung pia hi.

Teddim Thangkhal khua a kava pai a, ka kalsuanna mun pen Tedim apan kilometres 12 vel a gamla ahi ah, Thangkhal khua ka tung in, amasa penpen in Hausapa kaki muh pih masa penpen hi. Huchi in Thangkhal khua om dante kihou in, a thil om dan ka thei siam na khat ingh um hi.

Thangkhal khua hausapu toh kaki loulimna uo, Thangkhal khua hausapu in, ka kiang ah Thangkhal khua pen khua 2 kisua dan ingh gen hi. Thangkhal Khua 2 kisuah te lak a khat pen ahih leh, HAUPI ahi chi ua. Khua khat pen min, TUANGDUNG akichi uhi.

Tuangdung ahihleh Tedim apan kigal muh ahi a, khua nuam mahmah zong ahi hi. Haupi pen ahileh Tiddim apat Kilometres 12 vel hi a, Mual pang a om ahi ziak in, kimu ban lou hi.

Hausapa genna ah, ni dangin gal lak sa lak ahi ziak in Tedim apan, agal te un, amuh phak louna ding uh chi lam etna toh, mual pang lam ana bel uh ahih dan gen ah, Haupi khua omna, mual pang lam  a om hi, mual pang a tuni chiang tanin khuasa uh a, tua mun ah tuni chiang tan teng lai uhi.

Myanmar a, Thangkhal khua  2 kisua ahi ah, Khua 2  kisua gel HAUPI leh TUANGDUNG ki kal kilometre 1 lak vel in kigam la hi.

TUANGDUNG a Pasian phatna Biakinn 4 um chi uh hi. A inn a sim in tu leh tu in, inn 50 lak ahi chi uhi. HAUPI pen inn 55 lak vel hi a. Akhua a um leh teng laite ahileh beh  leh phung a et in, Ngaihte, Gualnam, Telngoh, Thangum leh adang dangte zong chi uh hi. Haupi a teng khua leh tui te ahih leh, mi houpi nop leh mi pawl nuam mahmah mi ahi uo, tua banah mi lungnem mi ahi uhi.

 Nek leh tak innsung khosakna ahih leh, singtang lou kuan a nek ding zong tom ahi uh hi, khen khat te gam dang zin uh ah, Malayasia leh gam mun tuamtuam a zong a nek leh tak zong ding in a pot khia zong om uh hi.

NOTE.1= Tedim leh Thangkhal khua ki kal kilometre 12 ahi a. Lampi om dan ahih leh, Thangkhal khua juan a ipai chiangin,  lampi a suak vive ahi a. 5 kms app. A tou ahi danin ka thei hi. Thangkhal khua pan Tedim a ki leh lam a, 5 kilometre asuak vive hi a, 7 kms vel lampi ana tou jel hi. Aki kaal a lui khat aluang hi.

2.Gari lian a din ham sa mahmah ding in ka mu a, aziak ahihleh Gari tawh pai na dingin lampi hoih seng lou hi,

3.Thei khamkham a kong gelh ahi a. Akhua mite tawh ka houlimna ka thu mute, gen ka thei dandan a kung gelh ahi, Simtute tengteng kiangah kipak thu ka gen hi.

KHALVONTAWI Editor Bruce K. Thangkhal, Ei Thangkhal minam sung a mi muan huai mahmah leh journalist masapen hi ah, tua banah Delhi a North East mite suah tatna dinga pan la Bruce K.Thangkhal zong, Myanmar Thangkhal khua a zin sawm sawm hi. Ahun di pen ki thei nai lou hi. Lamka a om Thangkhal mi bangzah hiam zong zin sawm u ah, ahi hang in, azin hundi pen, ki gen thei lou phot hi. Thangkhal minam India sung a om ten zong amu nuam mahmah khua ahi hi. Lungdam huai mahmah a Myanmar Thangkhal khua a zin Thang TK jong iki pak pih mahmah hi.

Admin KHALVONTAWI

KHALVONTAWI

Information For All Thangkhal

Share: