KUKI TRIBE KIBOL DIHLOUDAN

Reconciliation forum tia kiminvo group khat nin NAMPI kipun khom theina ding tia anabol 'CONCLAVE' 2017, Mantripukhri, Manipur a konin Kuki Tribe Council (KTC) ahung kiphut doh in 2003 a tribe modification act 2003 Sl. No. 33 na a AKT hung kibol chu khat le ni changvel lungella kon hung kibol hijong le 19 Oct 2018 nin kiselna na dingin, kihoutoh committee minin phunggol 6-7 kilokihom ho minin state le central government koma lekha ana thot nun Any Kuki tribe chu KUKI TRIBE adin recognition thumna ana bol kit tao vin ahi. Hitobang Nampi mindinga kinei Kuki chu Tribe neocha khat sodoh dinga thubul hung kiphut hi khonung teng Nampi kipal lhuh na ding ahi henasa sa-a kibolhi apomje le ajuije akhe pon dih jong adih pon ahi.

Hichehi agang thei penna KTC hon withdraw akibol luva kuki hi common nomenclature a iman diohi Nampi phungpi kilokihom na hihsa diovin temna kahin neije. Seithei bolthei hi manun Nampi kiloi khomna hi suhsiet ding ahi pon asi penna thei in kigo chei joute.

Koitobangin THADOU TRIBE a umnomolou aum jongle adeina khat tribe minna umu hitin, ahilou jongle Tribe chom khat nin recognition thumna chu ase val ponin, hi common nomenclature a kimang pen KUKI min chu tribe sodoh ding kitihi Nampi vangsat na tah khat hunghi dingin aum tan phamo akisa lheh e.

KUKI chu Tribe khat isotah uleh Mate, Gante, Simte tribes hotoh kibang ihunghi dio ahin, tribe neo khat minin Political demand la umthei tapontin, mi nuisat ichanna dio bou ahin, Thadou tribe hopni hopthum kiso ding thubou ahin apha chom chu ilemlo dio ima cha umta ponte. Thadou dehna mai maija kuki tribe soding chu jachat umtah leh Nampi hatmo na lenpen a hunghi ding keo hilouvin Nampi sulhu nahunghi diohi phamo akisa lheh jengin ahi.  

Kuki tribe demand committee hon Nampi ngailut na jalla agang thei penna withdraw nabol diovin temna le ngeh na kahin neije.

Chule Thadou Inpi'n jong Nampi ngailut na jalla hiche thu hi agang thei penna nahin suh tup diovin temna kahin neije.

Lun Elmun

Gen Secy. ECI-Ghq.

Share: