Zomi lasak siam Lengtong Pauno mualliam

TONSAN MEDIA PAN TANGKONA LE DAHPIHNA THUPUAK 

ZOGAM, Tedim gam huam Tuithang khua mi Kalaymyo a teng Zogam lapuak le lasa siam Pa Cin Za Hu Pau @ Lengtong Pauno (Zogam Labupi), Tunglut beh (Kum 58) in, January 8, 2021 (7:00am) hunin Royal City Clinic, Kalaymyo pan huih dik zolo in hong nusia cih kiza ahih manin, Tongsan Media Group Inc., pan dahpihna i pulak hi. 

A nusiat a tu a tate, sanggamte, beh le phung khuapih tuipihte akipan Zomi a it a ngaite khempeuh Khasiangtho hehnem siampa in hong ompih ciat hen!  Pu Lengtong Pauno (Zomite' Labupi) ii nusiatna hangin Zomibup supna lianpi khat ahi hi. 

Pu Lengtong Pauno in Pahtawina tuamtuam a ngah khit banah a thupi mahmah khat ahi tukum 2021 Kawlgam Suahtak ngah zawh (Independent Day) kum (73) cin ni January 4, 2021 (Monday) ni-in Chin State Government in "Outstanding Performance in Social Services Third Class Award" (နိုင်ငံဂုဏ်ရည် လူမှုထူးချွန် အဆင့်) pahtawina Laipi, Medal leh Sumtang honkhat pia hi. 

Pu Lengtong Pauno aw, i biak Pasian ang ah na tawldam in la, nitawp ni ciangin kimukik ding hihang! Mangpha! 

Tongsan Tanute 

Headquarters, Kalaymyo

via TONGSAN MEDIA GROUP