Esther Baite in Junior Girls Boxing ah Gold Medal mu

Kuki chanu khat in Khelo India Junior Girls & Youth women's open Boxing Championship East Zone ah Gold Medal hinsudoh

LAMKA, 23 Sept: Amasapen hidia tahsan umtah Panglian Vangkho, Singngat Sub-div, Churachandpur, Manipur akon Pa Jamkhothang Baite le Nu Lhingneilam Baite chanu anichanna Ng. Esther Baite (16yrs) in, SAI NCOE Guwahati munna nisim (15th - 22nd Sep) sung, Sports Authority of India (SAI) tohgon nanoiya anachelha Khelo India Junior Girls & Youth women's open Boxing Championship, East Zone achun 50kg Category in Gold Medal ahinsudoh in ahi.

Hetthei khat chu, Esther Baite hi Achesa 2017 kumma, Mary Kom Regional Boxing Academy a coaching tuni geiya alah ahi.

Hiche SAI tohgonna noiya Khelo India Junior Girls & Youth women's open Boxing Championship East Zone, Guwahati munna achelhahna ahin, Manipur akon category chom cheh a mini (2) in First & second ahinmun, Assam akon numei khat 3rd place amun ahi.

Chule, “ Esther hi ahunglhung ding tukum 19th October le Manipur munna National level Boxing um ding ahin, Manipur akon mi-koh(9) lhendoh (Selected) ahiuvin, inao u Esther jong ajaovin, hichea jong ahung lolhinthei nadin taonan geldoh ute,” tin, Being KUKI Media in Pu Jamkhothang Baite @Esther Baite (Apa) thudoh akineinan aseidoh in ahi. Chule aman aseibe nan, ahunglhung ding phatkit ho tengle ama (Esther) chanchin ho tahdoh din aseiyin ahi.

#KheloIndia #EstherBaite #GoldMedalist

Source: BeingKUKIMedia FB Group

Share: