KID & NCR: THUSUO

Ref.No.KID/Circular/2023/                                                       

Ollha Nisim 17, 2023 

T H U S U O

Delhi khopi leh akimvel a um Kuki chate jouse komma hetsah chu ahileh, janhi Ollha Nisim 16, 2023 jaan nidan 10 vel a chun Munirka Gurudwara Parking/Park munna agam neiten, mona neilou eimi nungah 1 leh golhang 3 lang vo uvin (attacked) thina thei khop hellin blade in atahsau hem panin (blade/sharp object) ana aat kha uvin, ajan jaan in Munirka Nestiva Hospital ICU analhung uvin ahi. Jaan khovah hel in KID/KWD/KSOD lamkaihon ana kiboipiuvin, Pathen lungset in a condition uhi ‘out of danger’ vang ahiuve. Tuhin AIIMS Trauma Centre a amaho lah a akiha suhkhah jep, numei nu leh pasal khat hi admit akibol uvin, akijen jing laiyu ahi.

Hiche thusoh toh kilhonna a mipi ho koma hetsah leh temna nom chu ahileh, tulai phat aphat tahlou jeh in, jaan sot nunga boina khohtah tilouva chele vadoh hohi hoilai mun a um hijong leuhen iboltah lou diuvin aphan ahi. 

Adeh a Munirka a um ho kom a ikiseipih nom uchu, Munirka a aphatseh a thusoh hi aum jing tan, lamkaiho dingin jong boipi jou chi ahitapon, hijeh chun ihindan, ikhohsah dan, ichonchan ikhanchan hou hi ikhel uva, ajeh umlouva jaan sot nung moh vale, kholai leng, golnop bol (party) etc. hohi tua a kipat ingah diuvin thupeh ahung kineiyin ahi. Munirka tilouva veng dang - Safdarjung Enclave/Humayunpur, Krishna Nagar, Kishangarh, Maharani Bagh/Ashram, Gurugram etc. a umho jong ikichihthei diuvin hetsahna akineiye.

Ichenna gamsung a gaal leh tol um a, inlang a isopi hou genthei hatsahna sangtah thoh a hinkho aman laiyuva, eiho Delhi & NCR a umhon chonchan umchan phalouho, kingolsahna leh nopsah golnop ho iboljing nalaiyuhi adihthei tapon ahi. 

Hijeh chun, koi hileh, tua kipat a jaan sot nung a vahthaang, golnop bol, kingolsah, boina sem, umchan khanchan phalou bol aum a boina toh kha aumleh KID/KWD/KSOD in kiboipi talou ding, nangma cheh in mo nakipoh diu, complaint ahung jong leh jangpet a Police khut a kipedoh jiding ahitai.  Chuleh, adeh a Munirka umho tua kipat koimacha jaan sot nung a Park a kitung/kitihkhom, golnop bol umthei talou ding, akihet/akimat doh leh KID/KWD/KSOD in achung thu u khoutah a kiseiding ahi, thu ngailouva boina toh aum leh kidon talou ding ahi.

Chuleh muntin a um, adeh a Munirka, Safdarjung/Humayunpur, Kishangarh, Gurugram etc. hoa eimi dor/Dukan bol jousen jong jaan sot nung a Dukan hong umthei talou ding chuleh nehlou nehmah khamna thei joh um akimat doh a ahileh Police ho khut a kipedoh ding ahi.

Hiche thupeh hi eiho society phatna ding leh nam minset louna ding khohsahna a kibol ahin, Delhi & NCR munna um Kuki chate jousen thungai tah a ijui cheh diuvin temna leh thupeh akineiyin ahi.       

~ Lhangsam (KID & NCR)

Share: