SSPP GHQ leh SSPP Lamka Block in COHSEM Exam Centre etkhiatna nei

Tuni February 24/02/2024 (Saturday/Kiginni) in Council of Higher Secondary Examination 2024 anihveina ding in SSPP GHQ leh SSPP LAMKA BLOCK kithuah in ETKHIATNA vanei nawn uh hi.

Hun paisa February 21/02/2024 (Wednesday/Nilaini)in leng SSPP GHQ leh SSPP LAMKA BLOCK kithuah in etkhiatna vanei ua,huai hun ah Exam Centre 6 omte lak ah exam centre 3 :-

(i) V.K.TAWNA COLLEGE 

(ii) EBENEZER ACADEMY leh 

(ii) RAYBURN COLLEGE ahi hi.

Tuni'n ah,Exam Centre etkhiatna aneihna uh sunzom nawn ua,hiaihun ah etkhiatna/vehna aneih hun un Exam Centre 3:-

(i) Young Pillars 

(ii) Sielmat Christian College leh (iii) Don Bosco Higher Secondary School te ahi hi.

Tuni'a Exam centre avehna hun uah:-

(i) Young pillars College akipan students Exam pia 481 himahleh Absent 2 om in,exam pethei 479 pha hi.

(ii) Sielmat Christian College akipan students Exam pia 582 himahleh Absent 5 om in,exam pethei 577 pha hi.

(iii) Don Bosco Higher Secondary School akipan students Exam pia 174 om in, Absent kuamah omlou in students 174 te'n exam pekim thei uh hi.

SSPP GHQ in agenna ah,Meitei gal ei ZOSUAN te teng teng in ituah lai un,Siamsinna huang aleng Meitei te akipan deidanna leh hun haksa pi tuak mahle hang PATHIAN ompihna toh pawl (XII) COHSEM EXAM thei students te tengteng phathuai leh suanhuai asak thu uh vaikhak kom ua,khangthak te'n lungsim siangthou toh siamsinna mah pibawl masapen anei a,Tup kichian nei a siamsin a,Siamsinna a mahni kithunun hihsawm a,Siamsinna mah in igam/inam sung ah diktatna pansan a igam/inam puahthei lampi omsun leh khuampi kiptak pianna omtheisun tuh Siamsinna mah ahi chih thei kom a siamsin ding in,siamsin naupang te hanthawnna thu leh ahon lohching ding uh deihsakna sangpen khak uh hi.

@Siamsinpawlpi

Share: