Lungtomin kiliansak leeng, kitot, kiselna leh kikhenna piang pahpah a, lungduai-in kiniamkhiat tek leeng, kipumhkatna leh gualzawhna hong piang ding ahi hi.
Van gik na puak leh na van sungah van tam cihna hi zaw hi. Lungkia kei in!
Na lungkhamna leh na haksatna a tam luat leh lungkia pah kei in! A thuak zote adingin,tuate sungah thupha tampitak om cihna hi zaw hi.
Den cianga sipah ding bangin kingaihsun in, a kigingsa in om den in la, kum tampi a nungta lai ding bangin kingaihsun in hahkat in nasem in!
I leitung pumpi pen,hun khat teitei ciangin, abei hun hong tung ding cih tel takin i theih mah bangin, i kha zong hun khat ni teitei ciangin, Pa’ kiangah pai ding maw, pai lo ding cih pen, za-ah-za(100%) tel takin i theih ding kisam hi.
Mite’ tung panin, a mawkna a i ngahte pen a thupi lua om khol lo a, ahi zongin Pasian’ tung panin a mawkna in i ngahte pen, a thupi penpen leh i leizawh het loh ding teng ahi hi.
Kipumkhatna khempeuh in khantohna a piangsak hi pah sam lo a, ahoih lamah kipumkhatna bek mahin khantohna taktak a piangsak thei hi bek hi.
Pasian’ hoihna a tel theite mah in, Pasian’ hoihna pulaak laak uh a, Pasian in zong a pulaak laak ding uh ama hoihna musak sak pah lel mawk hi.
Khazih sungah,
David Tuang
.jpeg)
.JPG)
.jpg)
No comments:
Post a Comment
Comments not related to the topic will be removed immediately.