YPA DORCAS VENG IN CLEANLINESS DRIVE NEI

YPA Dorcas Veng in Cleanliness Drive/Lungme kapna Social work nei; Kipahthu Genna nei

Tuni tarik 8th June, 2024 (Saturday) zinglam dak 10:00 AM in YPA Dorcas Veng in Cleanliness Drive/Lungme kapna (Disinfectant) Vengsung Innchih ah kapna nei uhi.

Cleanliness drive/Lungme kapna Social work kalsuanna ding dan G.Kamsanglian, Secretary, YPA Dorcas Veng in YPA Nungak-tangval/Val-upa paikhawmte kiang ah pulakna (briefing) nei in, T.Chinkhanmung, EM, YPA Dorcas Veng in Social work kuante ading in Pathian panpihna thumna nei hi.

Miphatuamngai YPA Nungak-tangval/Val-upa Social work kuan 70 val ten Dorcas Veng sung a Area 6 (Dorcas Road-A & B Area, Bethel-A & B Area, Convention Road Area leh Chiimtung Area) ah Lungme kapna nnasepna Area chih a inn omte kihawm rual in nitaklam hun in zousiang uhi.

Khohun kikhek ahih dungzui in, Lungme nou leh Lungme Innhuan leh Innte ah laang mahmah ahihman in, Vengsung leh michih adi'n nnahoih sepna hoihtak suak hi. YPA Dorcas Veng in Vengsung siangthouna/Lungme kapna ding a vanzat (Sprayer) poimoh mahmah zangsaktute, YPA kithuahpihna pia Vengsung a Nu-le-pate banah Social work a kuante tengteng tung ah Kipahthu genna nei uhi. 

Share: