Lamka, 28th Feb.: United Zou Organisation (A Constituent Member Of Zomi Council) General Headquarters saina in "Consultative Meeting" lawching tah in Zomi Bethel vangkhuo ah nei in um hi.Tam hunah Upa Kappu Zou, Vice President UZO GHQ in tuanvai hina la in Pu Khupzoulian Tungnung, General Secretary UZO GHQ in recording secretary in pang hi. Hunpatna ding in Upa Lianzaw George Zou in nei a, Pu Thangmuankhai Samte, VP UZO GHQ in vaidawn thugenna nei hi.
UZO GHQ saina a "Consultative Meeting" agenda teng luikhiat ahi zaw in, Pu Khamlianlal Mantuang, President UZO GHQ in thugenna nei hi. Hibang inam/igam liangvai laitah a ihina Zou leh Zomi ngaina, thudih leh thutah dei a kalsuan Hausa/Upa, aneu apat alian tan tung ah zatatna leh patatna sangpen pie hi. Ama'n agenna ah Itawm-leh-tam zieh in lungneu ding ahiloudan, puonsieh-nisieh banga ipaitheilou ihina Zou Identity leh Lamkai maste'n Sasin-Salung a nehna Zomi Council dinpi zinga, Zomi Policy peipi zing ding ahi dan gen hi. I hina dinpi zieh in koima nam leh nomenclature kidem lou in ki zatat ahidan zong gen hi. Zou namsung ah tambang "Consultative Meeting" um tamlou zieh a nampi pei zang theilou ahidan gen a, lamkai masate'n UZO lamkai ahi chiang uo dai kikai chetchet zel zieh a i minam ngaina leh khan'touna ding a Ideas/policies penuam te dinga mun onglou phot ahidan gen in. Nam khantouna ding in inamsung ah aneu apat alian tan, numei-leh-pasal chi khentuam umlou a, ngaidan leh deidan genkhawm thei chianga inam in damna, khantouna leh lungkituoh tah a tuibang luongkhawm thei ding ahi dan gen hi.
Tam Consultative Meeting a peikhawm teng in Resolution 5 gen in lakhawm uhi.
1. UZO (A Constituent Member Of Zomi Council) General Headquarters in mailam hun a hing um ding MLA Election toh kisai a, igam leh nam buoi hizieh in Pawlpi in support abawl penpen kithutuoh tah a support ding in lemsah uhi.
2. Zogal Memorial Trophy bawl ding in zong lemsah uhi. Amun, amuol leh ahun pen UZO GHQ in lem asah hunhun a bawl dia lem sah uhi.
3. Lamka khopi leh Zosuon/Zotate khuolna in Zogal Cemetery bawl khiat ding.
4. Zosuon/Zotate ding khuolna in, fitness lam toh kisai a "Games and Sports" a ding in Zogal Memorial ground bawl ding in zong lemsah uhi.
5. Zogal T-Shirt siam khiat ding zong ki thukim uhi.
Tam resolution teng gen min ahi zou in kipahthu genna Pu Tualzachin Tungnung, Secretary Arts & Culture in nei a, tawpna thumna Pu Thangmuankhai in nei in vaiguon lawching tah in zou uhi.
UZO DAMSAWT HEN, ZOMI TE PASIAN IN HING UMPI ZING TA HEN.
UZO GHQ saina a "Consultative Meeting" agenda teng luikhiat ahi zaw in, Pu Khamlianlal Mantuang, President UZO GHQ in thugenna nei hi. Hibang inam/igam liangvai laitah a ihina Zou leh Zomi ngaina, thudih leh thutah dei a kalsuan Hausa/Upa, aneu apat alian tan tung ah zatatna leh patatna sangpen pie hi. Ama'n agenna ah Itawm-leh-tam zieh in lungneu ding ahiloudan, puonsieh-nisieh banga ipaitheilou ihina Zou Identity leh Lamkai maste'n Sasin-Salung a nehna Zomi Council dinpi zinga, Zomi Policy peipi zing ding ahi dan gen hi. I hina dinpi zieh in koima nam leh nomenclature kidem lou in ki zatat ahidan zong gen hi. Zou namsung ah tambang "Consultative Meeting" um tamlou zieh a nampi pei zang theilou ahidan gen a, lamkai masate'n UZO lamkai ahi chiang uo dai kikai chetchet zel zieh a i minam ngaina leh khan'touna ding a Ideas/policies penuam te dinga mun onglou phot ahidan gen in. Nam khantouna ding in inamsung ah aneu apat alian tan, numei-leh-pasal chi khentuam umlou a, ngaidan leh deidan genkhawm thei chianga inam in damna, khantouna leh lungkituoh tah a tuibang luongkhawm thei ding ahi dan gen hi.
Tam Consultative Meeting a peikhawm teng in Resolution 5 gen in lakhawm uhi.
1. UZO (A Constituent Member Of Zomi Council) General Headquarters in mailam hun a hing um ding MLA Election toh kisai a, igam leh nam buoi hizieh in Pawlpi in support abawl penpen kithutuoh tah a support ding in lemsah uhi.
2. Zogal Memorial Trophy bawl ding in zong lemsah uhi. Amun, amuol leh ahun pen UZO GHQ in lem asah hunhun a bawl dia lem sah uhi.
3. Lamka khopi leh Zosuon/Zotate khuolna in Zogal Cemetery bawl khiat ding.
4. Zosuon/Zotate ding khuolna in, fitness lam toh kisai a "Games and Sports" a ding in Zogal Memorial ground bawl ding in zong lemsah uhi.
5. Zogal T-Shirt siam khiat ding zong ki thukim uhi.
Tam resolution teng gen min ahi zou in kipahthu genna Pu Tualzachin Tungnung, Secretary Arts & Culture in nei a, tawpna thumna Pu Thangmuankhai in nei in vaiguon lawching tah in zou uhi.
UZO DAMSAWT HEN, ZOMI TE PASIAN IN HING UMPI ZING TA HEN.
.JPG)
.jpeg)
No comments:
Post a Comment
Comments not related to the topic will be removed immediately.