ZRA-EC CLARIFICATION against JOFA JOURNAL

 

Date 28/03/2025

ZRA-EC PRESS RELEASE

Dawt-a ZRA puh chungchanga thudik tak

Zomi Revolutionary Army (ZRA) hian kawng hrang hrangin dawta puhna a tawk nasa hle a, Zohnahthlak \henkhat chu hetiang hian an lo dawheh a ni maw tih tur an ni. A zia lo hle a, thudik a rawn langchhuak zel ang. ZRA kan tih hian Chin State lama hnathawka hmalatute hi ZRA Eastern Command (EC) tih kan ni a, Chin State emaw Myanmar emaw a nih chuan ZRA tih ni mah se ZRA-EC tihna a ni \hin.

Tunhnaia Mizorama No. 4 tam tham tak man a nih chungchangah Zofa Journal social media (You Tube, etc.) enkawltu chu dawta ZRA puhin a buai hle a. Ani buai leh dawt sawi hi chu thilthar phei chu a ni lo. A hma a\ang tawhin eng emaw hlekah ZRA a puh chhe char char \hin a ni. Thudik hriate chuan a dawtheh zia an hre ve nghal zelin a rinawm. He dawta inpuhna chungchangah hian ZRA chuan Mizoram mipuiten thil awmdan dik tak an hriat loh chuan an awih thei tih hriain he thuchhuah hi a rawn siam a ni. 

Keini chuan mipui sipai nia insawite hi Mizorama ruihhlo tawlh luh chungchangah chuan an inhnamhnawih niin kan hria a, kan ringhlel a ni. Kan thuchhuah hi ngun taka min lo chhiar leh ngaihthlaksak chuan kan rinhlelh chhan pawh in hrethiam ngei ang.

A hmasa bera kan sawi duh chu Zofa Journal enkawltupa sawi angin Chin State-ah Number 4 factory a awm lo tih hi a ni. Mizoram a\anga rawn lutte hi Kawlphai a\anga lo chho nih hmelin keini ZRA-EC  chuan kan hria a. Chin State chhungah pawh kan awm lohna kawng zelah rawn kalin |iau a rawn thlenga chuta \angin an sem leh a ni \hin awm e. A kalkawng chu hetiang hi nia hriat a ni: Kawlphai a\anga a lo chhohin CDM - Siyin (CNA thurualpui) ho awmna Taingen a rawn paltlang a, PDF-Zoland awmna Tedim-ah kalin CNA awmna Lentlang-ah a kal leh a, New leh Old Haimual inkara Hmuntekawn-ah kalin (helaiah hian CDF-Hualngoram-in checkgate an va siam a) chuta \ang chuan PDF-Zoland awmna New Haimual-ah a kal a, |iau-ah a chhuk thla ta a ni. |iau hi CDF-Hualngoram, Hualngo Police leh CNA awmna a ni. |iau a\angin ruihhlo hi ramri hrul khua Zimte, Bukphir leh Fartlang-ahte an pe chhuak leh a, chuta tang chuan Mizoramah an rawn thawn lut \hin a ni awm e. Ruihhlo hua angin insawite hian hetiangin ruihhlo Mizoramah an rawn tawlh lut \hin ni awm tak a ni. Kan sawi tak kalkawnga ruihhlo rawn tawlh tur chuan mipui sipaiho hmun leh checkgate zawng zawng paltlang a ngai a, chumi tur chuan mipui sipai nia inchhalte nen inthurual a ngai. Heng an hmuna checkgate-ahte hian ruihhlo hi rawn putru thei a awm a nih pawh a tlem viau ang a, chuvangin anni nena inremsiam lo chuan tumahin ruihhloa sumdawnna an kalpui tak tak ngam lo ang. Engtiang pawhin lemchangin dawt sawi mah se thudik chuan rawn lan chhuah hun a la nei tho ang.

Zofa Journal enkawltu hian Tedim leh Tonzang-ahte poppy chinna hmun leh No.4 siamna hmun awm niin a sawi a, hemi chungchang a sawi dan erawh chu a thawleng (vague) deuh thung. Thil chiang tak erawh chu 2013-a Manipur a\anga Meitei hel umchhuah an nih khan Tonzang velah lutin khawtual mite nupuiahte neiin Myanmar sipaite thlazar hnuaiah poppy plantation an ti a, khawtualmite chu hlawh tam uchuakin an ruai \hin a ni. Zepnak emaw khatih lai khan keini tan pawh chet a har a, mipui sipai nia inchhalte erawh chuan Meitei thurualpuia min puhna remchangah an lo hmang leh hman nghe nghe a ni. Mahse, Manipur a buai khan Meiteiho chu insasengna tur zawngin Khampat lamah an tlanchhe ta a ni. Khatia Meitei an chhuah khan CNA leh an thlazar hnuaia awm CDF - Tonzang chuan heng poppy hmun tam zawkte chu an thuhnuaiah an dah a, hemi it hian CNA-in CDF-Tonzang chu a fachuam enkawlte pawh a ang. 

CNA leh Hualngoram PDF te hian heng poppy plantation te hi zalen taka enkawl an duh vang leh ruihhlo kalkawngah anmahni tibuai thei an awm loh beiseiin ralthuam nen min rawn bei fo a ang a, a zia lo hle a ni. An agenda thuhruk thup nan Hualngoram hi an sawi ni berin a lang a, Hualngoram hi a piang hlauh a nih pawhin an huamchhungah Zomi leh Falam kan tam zawk a, Hualngo tak hi chu minority an ni dawn. Thuneitu tak tak tur an ni lo va, kan nih zawk avangin anni hi chuan Hualngoram hi hlawhtlinpui tumna tak tak pawh an nei kher lo mai thei zawk. Amaherawh chu, an agenda thuhruk, Mizorama ruihhlo tawlhluhna kawngpui \ha leh zalen neih an tum nia lang erawh chu Mizoram tan ber hian a hlauhawm a ni. Myanmar-ah Mizo intih duh loh chu sawi lo, Mizo dotu ber Hualngote hian Mizoramah Mizo lem an rawn chang mai a ni.

Kan inkah \hinna Tungzang khua an rawn chuh tlat \hin chhan pawh hi democracy movement ni loin sumdawnna an thlir vang liau liau niin a lang. Kuhva rah tawlhna kalkawng a nih avangin kan inrin hman hmain an rawn luah thut a, Zomi tana him lo ema kan hriat avangin kan duh lo a, kan innawr \hin a ni. Rawn \hut chilh an tum ngar ngar thung. Nawr chhuah kan tum ve ngar ngar lo thei lo ang.

Zep thu a awm lo a, tunah hian CNA leh a thurualpuite hi Zomi area a\angin umchhuah kan tum mek a ni a, kan hlawhtling a nih chuan an poppy plantation rochunte leh Tedim District chhunga poppy plantation awm hrim hrim te hi chu tihchhiat turah ngaih a ni.

ZRA hian dawt, reilotea langchhuak leh mai tura beih hi a tawk nasa a, kan zuamawm vang ni loin min ertute dawtheh vang mai mai a ni ang. Myanmar sipai - State Administration Council (SAC) kan kah loh avangin, SAC nena \ang dunah min puh a, evidence atan document lem an siamchawpte an thehdarh a. Tunah chuan tuman an sawi peih tawh lo a nih kha. Puhna kan tawh mekah pawh hian thudik a lo lang ang. 

ZRA hi Mizoramah kan rawn zualko ve vak lo a, kan thu leh hla pawh mi hriatsak ve vak lo ang. Mizoram hi kan ngaina lo che u tihna a ni lo, Zofate hi inhua leh in\hen thei kan ni lo a, insuihkhawm lehna atan mahni theihna hmunah mahni tlin leh phak angzia zelin kan thawk ang a, kan la insuihkhawm ngei dawn a ni.

(COL. REUBEN)

ZRA Eastern Command

Share: