ZOMI FLAG GENCHETNA

🔺# Hiai tulai a ZOMI FLAG chi a kizang kha, 1972 - 74 Manipur in Statehood angah hun sawng laka Electoral Political Party hong kiphut khia (PNC kihel na), *"MANIPUR HILLS UNION"* kichi a Volunteer a kana kihelkhak ziaka tua MLA Election huna (Lamka A/C bik ah) Election/Polling Agent te chiamteh/kitheihtup nadia anga belh di badge dia jan tamtak janhahpih jena kana git/gelh (draw/sketched) khiak ahi. Huaima in hichidan koigam/nam mah in azat muhkhakna kanei ngeikei him² a, arong kapiak te'n gen leh etsak chih leng kana neise tuankei hi.

Singtang kuangkhenei, Pu Sianzaneng Tangpua toh Geljang a India dangka Rs. 50/-a valei in, kum 1993-94 te a Khristmas & Kumthak hunte a mipi' an nekkhawmna te ah tawi in Inkuan annek nadi'n kana zangjel ua, mi'n hon eng thei mah² uhi.

Huchi a ilungsima omden/lianlua ahihchia'h annekna kuangdia kana zat jel pen uh, 1995 kum in tua badge lim in kana cheisak a; hiai chei hon buaipih tute, ahih uleh, naute (L) N.Vanlalmuan leh N.Vanlalrem te unau {s/o (L)N.Thanghnun} ahi uh.

Tua hunlai a ka lungsima lianpen gige, "*ZOMITE' KIPUMKHATNA"* ahihman in, Bible chang, "Ngaiin unaute, kituak diamdiama omkhawm anak hoih in, anuam mahmah hi....."(Sam 133:1) leng kana tuangsak hi.

Huaibansiah lah agial in zil nawnlou ahihchia'h, annek nadia hong kilawm sanawnlou in 1995 kum a pat tuni dong ka In ah kana takthoh denta hi. Kuan leng hon ngaihnat pih a, hon chiamteh/kep pih dia leng kakoih khollouh, honna ngaihnatpih/keppih a, hon phoukhia zaw hong om khong hiding hiven, Dt.02/08/2024 in Sir/Pa K.Thangkhopau (Army Officer rtd.) in, ke'n tuadan bang leng abangmah kana bawllouh, ajem leh arongte omzia leh etsak hilhchetna bang hon bawl sawn² a kipahhuai lua; tuni chiang bang in kuapeuh aneu-alian neitu ikineihthei vekta ua, mizata tung ah lungdam petmah ing-ei.

Zomite Pathian in hon kem in hon makaih denta hen, Amen!

April 28, 2025
📕📔📗

THE ZOLAND TIMES 

Share: