HPO: CNDF In Khawmawi Luh Uhi
CNDF: Khawmawi Ka Luh Kei Uh
11/07/2025 (Fri): CNO/ CNDF te'n Ni 6 sung Rih leh Khawmawi a-opkhum nung un, tuni in, pawtkhiatsan siang uhi. July 2 a kipat in Myanmar a Mipi' Zalenna sualtu Zosuan Sepaih pawl nih CNDF leh CDF-Hualngoram te gam kituh in ana kikap pan' uhi. July 5 in CNDF in CDF-Hualngoram' kikulhna munpi Khawmawi leh Rih tuhkhia/ luahkhum uhi. Falam district sung a Hualngoram Peoples Organisation in a-opkhumteng thunun vek uhi.
Huchih lai in, CDF-Hualngoram in Chinland Council a aseppih uh, Rih leh Khawmawi a Myanmar Sepaih Camp alaakna ua apankhawmpih uh CNA in CNDF' kikulhna *'Rihli Camp'* bei'in laaksak uhi. CNA in Rih leh Khawmawi lakik dia beihpisuah in Pawl nihte hun bangtanhiam sung akikapkik nung un, tuni in CNDF te'n Khawmawi leh Rih khua pawtkhiatsan ta ua, India leh Myanmar kigitna Lei a *Chin National Flag* alaakhiat uh leng tuni in HPO in taakkik nawn khin hi.
HPO heutute'n agendan un; CNDF in Khawmawi leh Rih khuate nasatak a luh in, pheklek gawp uh hi'n gen ua, Dawr van leh Bike bangzahhiam pawkhia uh hi'n gen bok uhi. CNDF in Khawmawi leh Rih apawtsanna uh aziak ahihleh CNA leh CDF-Hualngo in a-uumbichilh ziak ua pawtkhia hi uh ahihthu gen bok uhi.
Huchih lai in, thudonna in agendan in; CNO Vice President *Sailai Peter Thang* in CNO/ CNDF in Tio/ Tiau/ Ciau leh Khawmawi pen 'kidouna phual' suahsak a-utlouh ziak a pawtsan uh ahihthu gen in, Tio/ Tiau/ Ciau leh Khawmawi pen akhua uh higige ahihthu gen hi. Tio/ Tiau/ Ciau leh Khawmawi pen HPO' khut a laan uh chihna hilou a, sepaih in pawtsan zual phot tadih hizaw ahihthu gen in, agam uh kuama' khut ah laan lou ua, kuamah nawhkhe ngeilou bok ua, tenkhawm utzaw uh ahihdan gen bok hi.
CDF-Hualngoram in Khawmawi leh Rih khua luh uh hidan a angohna uh toh kisai Salai Peter Thang in, "Agendan ua thilpiang tak² hileh thil manpha leh mantam ka gu ding uh" chi hi. Kudam leh Inn khenkhat galvan zong a pheklek uh ahihthu gen in, kinohtak a thilhih ahihman in phalna la-masalou uh ahihdan gen a, thildang bangmah laak neilou uh ahihthu gen bok hi.
Tunai a kikapna ah CDF-Hualngoram Sepaih 3 leh CNA mi 2 si ua, CNDF lam in ahihleh bel a Sepaih uh asizah puangkhelou uhi. Gamgi a Zosuan leh Zosuan Sepaih pawl kikapna ziak in Mizoram ah galtaai 4000 val lut in; Zokhawthar ah mi 3600 val lut ua, Vaphai lam ah mi 700 val lut bok uhi.
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
CNDF: Khawmawi Ka Luh Kei Uh
11/07/2025 (Fri): CNO/ CNDF te'n Ni 6 sung Rih leh Khawmawi a-opkhum nung un, tuni in, pawtkhiatsan siang uhi. July 2 a kipat in Myanmar a Mipi' Zalenna sualtu Zosuan Sepaih pawl nih CNDF leh CDF-Hualngoram te gam kituh in ana kikap pan' uhi. July 5 in CNDF in CDF-Hualngoram' kikulhna munpi Khawmawi leh Rih tuhkhia/ luahkhum uhi. Falam district sung a Hualngoram Peoples Organisation in a-opkhumteng thunun vek uhi.
Huchih lai in, CDF-Hualngoram in Chinland Council a aseppih uh, Rih leh Khawmawi a Myanmar Sepaih Camp alaakna ua apankhawmpih uh CNA in CNDF' kikulhna *'Rihli Camp'* bei'in laaksak uhi. CNA in Rih leh Khawmawi lakik dia beihpisuah in Pawl nihte hun bangtanhiam sung akikapkik nung un, tuni in CNDF te'n Khawmawi leh Rih khua pawtkhiatsan ta ua, India leh Myanmar kigitna Lei a *Chin National Flag* alaakhiat uh leng tuni in HPO in taakkik nawn khin hi.
HPO heutute'n agendan un; CNDF in Khawmawi leh Rih khuate nasatak a luh in, pheklek gawp uh hi'n gen ua, Dawr van leh Bike bangzahhiam pawkhia uh hi'n gen bok uhi. CNDF in Khawmawi leh Rih apawtsanna uh aziak ahihleh CNA leh CDF-Hualngo in a-uumbichilh ziak ua pawtkhia hi uh ahihthu gen bok uhi.
Huchih lai in, thudonna in agendan in; CNO Vice President *Sailai Peter Thang* in CNO/ CNDF in Tio/ Tiau/ Ciau leh Khawmawi pen 'kidouna phual' suahsak a-utlouh ziak a pawtsan uh ahihthu gen in, Tio/ Tiau/ Ciau leh Khawmawi pen akhua uh higige ahihthu gen hi. Tio/ Tiau/ Ciau leh Khawmawi pen HPO' khut a laan uh chihna hilou a, sepaih in pawtsan zual phot tadih hizaw ahihthu gen in, agam uh kuama' khut ah laan lou ua, kuamah nawhkhe ngeilou bok ua, tenkhawm utzaw uh ahihdan gen bok hi.
CDF-Hualngoram in Khawmawi leh Rih khua luh uh hidan a angohna uh toh kisai Salai Peter Thang in, "Agendan ua thilpiang tak² hileh thil manpha leh mantam ka gu ding uh" chi hi. Kudam leh Inn khenkhat galvan zong a pheklek uh ahihthu gen in, kinohtak a thilhih ahihman in phalna la-masalou uh ahihdan gen a, thildang bangmah laak neilou uh ahihthu gen bok hi.
Tunai a kikapna ah CDF-Hualngoram Sepaih 3 leh CNA mi 2 si ua, CNDF lam in ahihleh bel a Sepaih uh asizah puangkhelou uhi. Gamgi a Zosuan leh Zosuan Sepaih pawl kikapna ziak in Mizoram ah galtaai 4000 val lut in; Zokhawthar ah mi 3600 val lut ua, Vaphai lam ah mi 700 val lut bok uhi.
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.