KSO leaders meet SSC Chairman in Delhi

KSO IN SSC CHAIRMAN ANA KIMUTOPI
    Tuni nisim 11,Lhamul (July) 2025 nikho in KSO-General Headquarter's thalheng in KSO Delhi Education Dept *Kerry Janggoulen  Khongsai* le Asst pa  lamkai na in  SSC Chairman kimupina leh representation peh na aga nei lhon in ahi. Hiche kimuto na a chun Sadar Hill Gamkai a Exam centre aum lou akhoh dan KSO Sadar hill leh KSO-GHQ representation ani gel in jong submit abol lhon in chuleh *CDS INFOTECH* representation ahin, Centre re-instated ahin bol u jong kipathu asei lhon in ahi. KSO-Delhi akon in jong kipana jal in muffler khat ahin pe lhon in ahi.

KPI District SSC Aspirants ho boina hahsat na ho nasatah in asei lhon in, SSC Chairman pan jong Aspirants ho hahsatna chu a hethem soh keiyin,  DC initiative nanoiyin Computer 100 leh power backup generator aum tai tin jong a hetsah lhon e. Aman asei na ah chun Eduquity (SSC exam conduct Agency) te chu inquire bol a kahin sol ding ahe tin ahin vailhah lhon e.
Aman aseibe na ah  chun *KPI centre* aum nai lou jeh in inquiry a khatvei ahin sol tei ding in jong ahin hetsah e.

Chuleh Churachandpur permanent centre di thu jong asei khom uvin
*CDS INFOTECH Lamka* jong centre khat ahisah tei nadiu vin aki hou khom uvin inquiry team jong ahin sol ding in akivailhah uve.

Feltah leh gunchu tah'a ga kalsong KSO Delhi lamkai teni chung a KSO-GHQ in  kipathu sangtah  in ahung kiphong e
KSO in Themjil nalam/Exam issue  toh kisai ho hi hung kiboipi jing ding ahi.

Sd/-
Department of Education
KSO-General Headquarters. 

Share: