Brief History: Mr Lalminthang Lhungdim

AHINKHO THUSIM CHOMCHA

Chapa (L) Gl. Lalminthang Lhungdim hi Chahmol Vangkho, Tengnoupal District ah nisim 14ᵗʰ Olliha, 2005 (Kum 19) kum in ana peng e. Amai Pa Jamlal Lhungdim le Nu Vahtin Lhungdim laiglaga ali(4) channa ahin, amahin penpi pasal A-upa khat le Numei ni(2) anei jin ahi.

Chahmol Vangkho a kon in 2009 kum in D. Moljang ah ahung cheng uve. Chuleh nisim 25ᵗʰ Lhatun, 2021 kum in Pr Thenkhojang, Gambih Pastor khut in Baptize ana chang in ahi.

2023 Kum a Meitei-Kuki Gaalpi ahung umtah jeh in Kuki Inpi, Churachandpur(KIC) vaisai noi jin akho akhoa Tahchapa hangsang Nam gaalkap dinga holna ahin nei utoh kilhon in, Aadhaar card le documents poimo jouse anaki pelut in, Anu leh Apa chuleh Kuki Inpi, Churachandpur kinopto na dungui in United Village Volunteer (UTV) 2ⁿᵈ Batch Training chailah in ana pang in, chujou in chomkhat chu Gelmol Vangkho, Churachandpur sung a UTV grouping Camp ah ana um in ahi. Chomkhat jou in Nute Pate phalna leh hetpih na beihel in Kawlsung (Burma) langa ah lamkai hon ana puilut tauvin KNA-B ah apansah tauve tithu akijah phat in phamo akisah lheh in lung kicholna aum thei tapon ahi. Hiche thu akijah phat chun Innsung miten Innlam a nung puidoh teidin ngaituo nan  nivei(2) jen in Moreh le Kawlsung ah nasatah in akibuipi in hinlah puidoh thei in anaumpon, hijongleh puidoh thei phat hung umnante ti kinepna pum'a kium jing lai in a gelphah louvin Chin National Army (CNA) leh Chin National Defense Force (CNDF) kikapto na ah ana pang khatan, vangset umtah in nisim 10ᵗʰ Lhamul 2025 nikho in thina ana chang tan ahile Gam­sung mite, Khosung mite, A-innsung mite chuleh aloi agoul ngaicheng dalhan Pa kom a choldo din ana chemasa tan ahi.

~ Eimi W/A

Share: