SoO nuoiya hi thingnoi lamkai hon black business abol uva, tax akilah uva, election tengleh MLA hon sum apieh jiuva, mipi chan ding development fund jouse akilah jiuva, thuneina leh vaihomna jouse jong akhut uva aki choiyu ahi.
Thingnoi jong ama ho, haosa jong ama ho, MLA jong ama ho ahiuve. KIM jong ama ho thu², haosa hojong ama ho thu², MLA hojong ama ho thu², CSO lamkai jouse jong ama ho thu² ahi.
Chuleh, Kuki MLA ho leh Kuki thingnoi lamkai hohi thakhat, kibang, nekhom donkhom, lunggel leh hindan kibang ahiuve. Ama ho sanga nuomsa jo leiset chunga mi dang umta ponte.
Tehse ho thuchih khat in "lholou changpang kitung henlang, huonna saa gaa leh..." kiti chu tulaiya Kuki thingnoi lamkai hohi ahiuve.
Hitobang chu ahijeh achu, Kuki thingnoi lamkai ho leh MLA hohi SA sanga Manipur a popular government siem ding chu nuomjo ahiuve.
Tua thingnoi lamkai ho makaina nuoiya hi SA kimulou ding ahi. Ama ho khel ding lamkai dang aumdoh thei tokah achu genthei thoh ding chu mipi te leh chaga genthei teho ihiuve.
Hijehchun, Pathen in Sual lenpa khel dinga Leng David atun bang achu, Kukiten jong tua ilamkai ho khel ding hi Pathen kom'a hathum'a ithum diu ngai ahitai.
Koiman thudih sei ngam talou hijongleh ken kahin sei ahi.
~Sasang Haokip
👇 Kukiland: Facebook
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.