Laate 90:12
"Ka damsung nite uh simdan hubng hilh in, pilna lungtang k'ung neihtheih na diing un."
Mite hung etdan saang in Toupa hung muhdan bangchibang ahia dia? Chih ngaihtuah siamna, i tulai khovel uah a poimawh mahmah hi!
Thugen hangsanna saang in zong, Khrist a diing a hangsantak a hinkhua zakh ngamna a poimawhzaw hi.
Gentamna leh kamtamna saang in, mite Toupa'n a phattuampih theih diing a hinkhua zakh tamna a poimawhzaw…!
Gensiamna saang in zong hin siamna, Toupa a diing a hinkhua zakh siamna a poimawzaw thamtham hi!
Gen dik saang in nun dik sawmzaw in! Thudik gen diing leitung in mi a tamsam kei a, hilezong Khrist deihna leh Khrist tanchinhoih tawh kituak a hinkhua zakdik diing mi a tamkei hi!
Nang bek a na kilungdam-suahna diing bekbek zong kenla, mi dangte lungdamna diing bang e, chih zong masa lechin a hoihzaw thamtham hi!
Hehsuakna saang in sepgimna zongzaw inla, Jesu pahtawi saang in Jesu in a pahtawi theih diing in hinkhua zangzaw in!
Paw-tham hinkhua saang in sunggil hinna pen ngaikhawkzaw in, tua hileh na hinkhua ah Khrist a hung piakthak kiikzaw diing hi!
Isai 38:14
Phialphia leh Vakaang bvang in ka kikou a, vakhu bang in ka maau hi! Tunglam etna in ka mit a khamta hi. Toupa aw, ka thuakgim mahmah hi; ka bitna hung hita in!
.jpeg)
.jpeg)
No comments:
Post a Comment
Comments not related to the topic will be removed immediately.