KANI, KANI VO KANI !

NAM LAMKAI, HAOSA, HOULAMKAI HO KAMBINNA CHULE NAMPI JUMNA
(Rom. 14:21)

Pr. Thangkhomang Suantak
(L.Semol 15/8/2025)

(1) Nam lamkai: "Kanam mite kani hi thil phalou ahijeh in nam pumpin Ibolloubeh diu ahi,' tia khamgah ding itileh, 'Tu gallai tolaiya, inle lou kihalchaita hiche beh kabollou uleh iti kakihinsouva donle kai ipia kapeh diuham?" ati jeh un ima seitheitalouvin ikam abing e.

(2) Haosa: "Kakho kaveng thilphalou ahijeh in kahaosatna gamsung'ah kani hi tupoute,' tiding katileh, 'Galle toljeh a inle lou kichaita hiche beh kakibolthei loudiu leh nakho-ah hungnung chen tapong'e,' atijeh un kakam abing tai. Alangkhat a hiche kani text beh kaneh kit louleh Nampi le kakho kaveng kakithopi joukitlou ding ahikit jeh in kakam abing e.

(3) Houlamkai: "Houbung mite kani hi Christiante boldin adihtheipoi, bolhihbeh un,' tia khamgah ding akitileh, "Tu gallai tollaiya, hiche beh akibollouleh, iti kikihinso a, hopsom maicham le houbung sumdon ho ipi kipe ding ham," atijeh un ikam abing e.

(4) Nampi: Nam lamkai, Haosa, Houlamkaiho kambinna chu tuhin vannoiyin, "Narco Terrorist," tin eihetauvin, Hundred Percent (100%) Christian kahitauve tia kithang'at te chu tuhin, "100% kani a sum holte," tin eikihetauvin, vannoiyah jumna sangpen itoh tauve.

Tuhin Govt. masang'ah Namlamkai ho ajumtan, Nam lamkai ho masang'ah Haosaho ajumtan, nampi le Pathen ang'ah Houlamkaiho ajumtai.

Achaina leh,
(1) Aleilhouho, ajoh ho chuleh aneho kam hung bing'a,

(2) Vannoiyin hotle mah a ihinneiyuva, ei kithopi diu ho kam hung bing kit a,

(3) Pathen melma Nam ihung hikhah uva,

Achainale inam gentheinau hi suhlhapmo a hung umding ham tijat aum e. 

Share: