KIZAKSAKNA & CHIALNA: ZSF

Lamka: August 6, 2025: Zingchiang nisim 7th August, 2025(Ningani) zinglam dak 8:30AM in Lamka a kipan kalsuan khia Global Zomi Lengthe 2025 Malaysia a hohte vaidawnna neih kisawm ahihman in mipi a tam theilam vaidawn ding a kisa chiat dingin i kingen uhi.

Vaidawnna mun dingte:

1. ZYA Sinzawl Block leh a nuai a Unit-ten Sinzawl khomun - Phualkot ah.

2. ZYA Raja Goukhothang Block leh Unit-ten - Songtal ah.

3. ZYA Kapkhovung Block leh Unit-ten ZYA Office, Suangdoh mun ah.

4. ZYA, ZMA, ZSF GHQs' leh pawl tuamtuam in Laizom Hotel kong, Singngat ah ana ki vaidawn ding hi.

Singngat a kipan Lamka tan ah ZOMI RIDERS'(ZR) leh ZSF GHQs' makaihna tawh taisuk ahi ding hi.

Hiai hun ah mipi a tam theilam kihel a i mi-le-sa te ana vaidawn siau siau dingin i kichial uhi.

Hiai a hoh dia kisa peuhmah ZC Office Hebron Veng zing dak 8:30AM tan a tung ding in i kizasak uhi. Dak 9:00AM a Lamka nusia a i vaidawn na mun ding uh Singngat lam zuantou dia kisa i hihman in kuapeuhmah hunchiam lap dingin i kingen uhi.

Information & Publicity

ZSF GHQs

Share: