KIM ELECTION 2025: Chungchanga Joint Forum Thuphon

Ref.No.01/JF7/(PR-KIM)/2025        Dated: 27th Nov. 2025

KIM  ELECTION  2025 VENUE &  ELECTORAL COLLEGE
"Chungchanga Joint Forum Thuphon"

Forum chom chom sagi (7) ho:

1) Kuki Reformation Forum (KReF),
 
2) United Khurmi Forum – Old Kuki Khurmis (UKF),

3) KIM Election Observation Committee (KEOC),

4) Kuki-Zo Prayer Warriors (KZPW),

5) World Kuki-Zo Intellectual Council (WKZIC),

6) Kuki Youth Forum (KYF) leh

7) Thadou Tribe Council (TTC) GHQ ...

..... ho kigopkhomna,  "JOINT FORUMS OF SEVEN @ JF7" in tuchung KIM Election 2025 kibolna ding mun leh phat ban a Electoral College chungchanga mipi phunnoina chungah, anoiya thumun hohi mipi hetding in ahung kitah lang in ahi.

i) Songpi-Lamka khopi Kuki-Zo capital mun a Administrative Office nei KIM in hitobang phat hahsa laitah leh lampi hahsatna gam Kanggui district khellam peh Manipuri Naga district Senapati, Hengbung Vangkho a KIM alhohmang uhi  koima hungda henlang keiho mama leh keiho thua thua nungdingho SELECTION leh PROMOTION kibol hen tina ahijeh in nasatah in themmo akichan in Kuki-Zo capital  Songpi district, Lamka khopi a hin nungchon ding in ngehna akibol in ahi.

ii) KIM - Apex Body of Kuki Tribes General Election lom lom khat Youth Club election sanga thulimmo leh Thinglhang khocha inn 5/10 VA election kibolding dan a KIM leh Kuki kichepna a mang Lamkai leh Election Committee ho nasatah in themmo akichan toh kilhon in ahiding doltah a agon thah diuvin ngehna akibol in ahi. Iham tia Election Committee a ngansena changhon KIM leh Kuki dignity maintainje ihetlou uleh midang joh nganse thei ahi.

iii) KIM Election 2025 Electoral College hung kisodoh hi Kuki min a CSO lamkaihon amaho kigopkhomna/ Association a alamkai diu akilhen diu toh kibangchet ahijeh in Kuki tribes chom chom holeh Kuki mipin achesa 2022 KIM Election kiboldan dihlou jeh a lha 2 ana kinom (delayed) phat a, Kuki CSO hon KNF-UKLF-KNO kom a ngehna anabol jeh uva maban KIM ELECTION 2025 Mipi deibanga kibolding ahi tia CSO ho thakhel a KNF-UKLF-KNO leh KReF in MoU (written) ana kibolhi akijui louleh mipin kipomlou ding, mipi leh Kuki cognate tribes hodinga Kuki Nampi Inn - Secretariat of Kuki people (KNI) ahilou leh United Kuki Peoples Council (UKPC) – Highest Council of Kuki People, atamjon adei  jojoh min a kikibol ding ahi tihi cognate tribes holeh mipi thalhenga  JF7 in phondohna hung kinei ahi.

iv) Chunga kiminphah thumun hohi ahunglhung ding 30th November, 2025 (Sunday) nikho 4;00 PM kah a suhtohna aumlou leh Mipin Monday nikho (1st December, 2025) leh Public Meeting kineiya, 4th December 2025 (Thursday) nikho leh lamkai hon Senapati district a nangho lamkai ding nakilhen uleh mipin keiho lamkai ding Songpi-Lamka a kakilhen diu ahimaiye tihi ahi.             
                                                                  Kuki Nampi Machal Jinghen

Sd/-(LALPU KIPGEN)
Vice-Chairman, KReF

Sd/-(LALNGA CHAWHTE)
Chairman, UKF

Sd/-(T. BAITE)        
Chairman, KEOC

Sd/-(THANGPI SIMTE)
PRO/WKZIC

(EVAN. L. HAOKIP) 
Chairman, KZPW

Sd/-(TM LHUNGDIM)          
Convenor, KYF

Sd/-(ST HAOKIP)                                  Vice-President/TTC-GHQ 

Share: