S. Munhoih village chief passed away

S. Munhoih Hausa Pu Khupkhanthang tuni zingsang lam in Lamka Zatou inn ah hung beisan hi. Tuni'n hausa ahihna khua leh ainn lum wah Khomipi leh  ait angai teng in ki zan hah pih ding a zing chiang Dt.13/11/2025  ni tak lamchiang S.Munhoih Hanmual ah area pastor in vuina nei ding hi. Anusiat a inn kuan pih te Pasian in khamuanna pia ta hen. 

Brief history:

Pu Khupkhanthang Suantak Chief of S. Munhoih tangthu tomkim sim nuam te a ding 👇

S. Munhoih a ding a hausa 2 na ana tu Pu Khupkhanthang ahih leh Phamsa Pu Goukhanthang leh Phamsa Pi Mankhoniang te Pasian apan a gil a gah goutan 10 lak upa (eldest) pen ahi. Amah kum 1951 in Mulam khua ah na piang a. kum 1975 in a damsung a anuntak pih ding in Pi, Donkhanlam toh na ki teng hi. Pasian apat gualzawina gil a gah goutan pasal 3 leh numei 5 nei a, amauh te apat in tuu pasal 9 leh numei 9 nei hi.

1973 kum in, Assam Regiment ah na lut a. Kum 1980 in, voluntary pension ana la hi. Tuahzoh in kum 1984 in Manipur Rifle (MR) ah na lut kik a, kum 5 asep jou in voluntary pension ana la kik hi. Amah pi-le-pu iit mi hi a, aneu apat azi neih masang in apu te kiang ah ahun hun in va hawh in va om jel hi

Kum 2006 a Khugadam project aki zoh in khua thak kisat a. Saptuam te'n Biak inn Pucca Building project kipan a, amah zong ahih theih tan in saptuamte toh pang in panla khom hi. Aki zoh masang in sum-le-pai taksap hun chiang in amah neihsa sum-le-pai te iit lou in, aneih dan dan in tuak in nasep ki sun zom thei jel hi. Amah leh Saptuamte leh Pasian jal in kum 2019 in zoh in hung om a, December kha in Biakinn Thak a hongna ki nei hi.

A dam theihna lam hung buai in, Kum 2019 in vangsiat huai tak in BP Stroke in puk a, Imphal a Shija hospital ah etkol in om in, Pasian in doctor te zang in hung damsak a, hinan leh ataksa hat thei nawnlou hi. Ahinlah, hatlou pum pum inkuante leh a khua-le-tui te ompih tou zing hi.

Tuni tarik 12, Nov 2025 zinglam dak 8:15 lak vel in, a tangtawn mun ding ung na zotsan ta hi.

A sim tute tengteng ih Biak Pasian in khamuanna puaksak ta hen aw.

****

Share: