ZPC SYNOD OFFICE: Khristmas 2025 leh Kum Tha 2026 DEISAHNA THUTA

Nilaini, December 24, 2025
ZPCS/Pub-11/2026-01(010)

Luk 2:14
"Tungnung pen ah Pasian thupi henlen, Leitunga a kipahpi mihingte lah ah, lem thu leng hen."
Khrist sisan zal a Sanggamte,

Eite a dinga itna lienpen toh kiniemkhiet tah a, lei mun niempen a hing pieng a, sisan mantam tah toh hing lei, i Mangpa Jesu Khirst min in Hattuom Misiengthoute zousie Zou Presbyterian Church Synod Office apat 2025 Khristmas leh Kum Tha 2026 chibai ka hing buh hi.

Leitung buoina tampite kawmkal ah Hattuomte hing mapui a, 2025 kum tawp, ha tawp tan hing mapui a kum 2026 meel mu thei ding a hing kemtu i Mangpa min phat in a kung ah lungdam thu i tut uhi.

It leh ngai tamtahten muol hing liemsanta nanleh theilou kal chi ding khop a hunte bei in ei a dam sunten tu kum 2025 Khristmas leh Kum Tha 2026 meel mu thei in i um ua, kipah leh thanuom tah a lawm thei a i umna tung uah, i Mangpan hing taisan ngailou ahi chi phawh a, Ama hing pienna ding a lungsim kihongtah a na Vaidawn ding leh Hagau leh tahsa suotatna i nei theina ding ua, sil bangkim bawl theipa kung a thum kawm ding in 2025 Khristmas leh Kum tha 2026 deisahna sangpen ka hing lan hi.

Ama hing pienna tungtawn in Mangpa'n Hattuomte lungmuonna, hamuonna leh kilemna hing tun henlen, tualeh i kinep uh Kum tha 2026 in lam-etna tha leh lawchinna hing tut in hing guolzawl chietta hen.
Manggam a na Seppi uh,

Rev. Zamlianpau
Executive Secretary
i/c Publication

AWLHA 24, 2025//NILAINI

```KHRIST A KIPUMKHATNA``` 

Share: