UZO-GHQ SUNNA: PU THONGPAO TAITHUL

SUUNNA

27th May, 2026

Pu Thongpao Taithul (91) s/o (L) Pu Vumkhothong &  (L) Pi Dimkhochiin, Zoveng, Zenhang Lamka in tuni May 27, 2026 in a tenna inn, Zoveng, Zenhang Lamka ah a iit a ngai teng nuasie a ang muolliemsanna tung ah United Zou Organisation, General Headquarter in Zou Mipite thakhel in suunthu kaphuong uhi.

Zou mipite a ding a “Rabindranath Tagore”chiá thei a um Pu Thongpao Taithul ahileh December 15, 1935 in Lungsai khuo, Churachandpur ah pieng hi.  Ama’n a damlai in gam leh nam a ding in panmun poimaw tuomtuom ana tu a, Tuibuong Junior Basic School, Zoveng MGP Church, Zomi Sangnaupang Pawlpi, Zoveng LP School, Zoulai (Zou Script) Committee leh a dangdang ah founding member ahi hi. Tualeh Zou Lapi (Anthem) thum - ZSP lapi “Thou Un, Thou un”chi 1961 in ana phuo in, Manipur Young Christian Association (MYCA) Lapi - “Gam nitan nailouna Zogam nuam tah ah”chila 1963 in ana phuo in United Zou Organisation (UZO) Lapi - “Semguo Gin Ngai” 1966 in ana phuo hi. Tuamai hilou in Gam ngaila, Lunglenla leh Gospel laa tampi leh ZSP Drama laate leh adangdang ana bawlkhie hi.

Pu Thongpao Taithul  in ang muoliemsanpen gam leh nam, adieh a Zou namte ding a manna lienpi suoh hi. Anuasia azi leh atate, atute, a innsungmite, a U leh nau, a be leh phung leh anampite Pasian in  hamuan na hing pechiatta hen.

Ama’n Gam leh Nam a iitna leh a sepkhiette, Zou tate lungsung ah ngilni um nawnlou ding hi. 

Nampi sih leh tang in,

(S. NENGKHANLUN)

General Secretary

UZO GHQ

SUUNNA :

PU T. THAWNGPAU

“UZO-ZSP-MYCA Lapi naphuotu in hing beisanta hi” chin shi ka hing kou uhi.

Na hatlainite a Zou tate a ding a thalezung leh lungsim-ngaituona nana sente thu kahing sa mama uhi. Nangbang midang umnailou ahia, nang hing pha ding in Zou Khangnoute ka hing kidem ding uhi Pu Pau!

Atul theilou leh a tulngailou ding nasep sate thupi in Zou Khanggui ah khaubang ki sutsut tading ahi hi. 
Khapham dong in Zou tate geelva the izawle Pu Pau !

Nanuasie na innkawte Pasian in hamuonta hen aw !

Nuom in na tawldamtan !

By:-
Admins
ZOU SOCIAL GOSPEL 
Whatsapp Group

Share: