LEISET KHANGKIKHEL ~ Phaihel Joujam

Kapenna gam Phaihel vangkho achun kum 30 masang chun senlai golngai chengtoh noptah in laitol kana lengkhom uvin, buneh ding phat tengleh khotolang aum khat in khosahlang aum khat ankou jiteng iboncha kihesohkei ji, mikhat in thil thah khat ahin nei jongleh iboncha kiheji, chelai khang chu kikoukit thei hileh khatveibeh kikoukit leh kanom' e. Hinlah phat leh nikho hohi twilong bangin along jingin, phatchesa ho koukitthei ahitapoi.

Henge, tulai khang hin Pathen phattheiboh ichang uvin agenthei ahahsa behseh ium tapouve kitileh kiseikhel sam ponte, ithei kham kham uvin ikhut cheh uva mobile phone ikichoi cheh tauvin, buneh tuidon dinga aw ging leulou'a kikou angai tapon, che sang chun inko khat jong insunga iumkhom ujong leh kampaova kikou sanga thuthot (Message) joh'a kikou joji ta !!

       Chutengleh leiset pumpia thilsoh hojong ikhutphang a kimu gamta ase jong, apha jong, ahin aphalam sangin aselam hohin ilungthim alah johdan uvin aumtan chapang khangdong chuleh minu mipa hijongleh setna lampi jot hi bailam tah ahitai.

      Henge, khangkikhel henlang leiset chihna leh thepna sang chehcheh jongleh Pakai Pathen thuvang mang louding ahin, hinlah leiset leh asunga um hohi khatvei leh mangsoh ding ahije.

      Kapenna vangkho chu ngailheh jongleng kaum theikit tahlou bangin, hiche leiset jonghi ngailheh jong le hen ijouteng idalhah ding ahin, Pathen deilou lama ium leh damun meidil chu ichan ding hintin, Pathen deibanga ium leh Pa henga vangama noptaha iki choldo ding ahi.

      Pakai Jesu'n ipi asei em?

Matthew 7:

13. Kotjim a lut un; ijeh-inem itilej manna lam chu akot jatah ahin, alampi jong lentah ahi, chuleh chua lut chu tamtah ahi.

14. Hinna lam chu akot jong ajim in, alampi akichin, chuleh hichu amua alhom e.

Kot nomtah lutnom tah manna lam'a lut chu noplheh jongleh achaina chu damun meidil ahijeh in, hahsalheh jongleh kot jim a lutchu Hinna lampi ahi jeh in chingthei tah in ileiset khang uhi mang ute.

       Lhinglel tah'a kahin sutdoh hi asim jouse Pakaiyin Phatheiboh tahen.

 

Kakipah e.