THE 27 SINS : Khelhna Nam 27 Te

- S. Thangsuanmung

1. Silhoih thei napi a zui a sem nuamlou; silhoihlouh thei gekguk a zui a sem veve.

2. Kithuhilhna ngainuam a zoptuamlou; ngainuamlou a zoptuam diak lou.

3. Mi sisi mai amah zong siding ahih lamtak theilou kipang.

4. Mihing in a tuhga aat chih mittang leh bil a mu a za gekguk napi pilvang tuamlou.

5. Silhoih louh bawl ding a khut leh keng manlang vapial; silhoih bawl nang a lah zaw niang nuang.

6. A gen a gen siam mai, athugente aman zong zui tuam hidiak lou.

7. Pasian bia lah hiluansam Biakinn lam zot ding lah sih toh kibang a ngaituah.

8. Man hun sunsun sil phatuam khat bawlna a zak sang a ihmut na zang lel.

9. Sum neih sunsun mahni poimoh dia zang bei paipai; Pasian gam adia siki makhai thoh ngap lou.

10. Pilna leh siamna lamgei kawtziing teng kikou vazua; aza lou kipang heihai

11. Vangam lut/kai dia amansa a om lah piangthak mi hituamlou.

12. Kipilsak mahmah mite'n bangmah a asimlouh lamtak kitheilou.

13. Lamkai hih ding ut ngai lou lah athu kilak/pai ding deih tinten mai.

14. Tha-le-zung, sum-le-pai tuak ngap/tuak ngamlou a tuak sunsunte el-hou thei giap.

15. Min amah apahtawi ding ut mahmah; ama'n lah mi pahtawi malak a phunsan va giap.

16. Bible simsim mai zui tuamlou.

17. Thu leh la hoihpipi genkhia zungzung, amah lah mihoih hituamlou.

18. Mahni poimoh nia suty la thei; Pasian phatni di, gam-le-nam in a poimoh ni a lah suty mu ngai kingkeng lou.

19. Pasian phatna la, gam-le-nam ngaih late sa a khitui luang thei; ama hindan toh lah ui leh kel bang.

20. Nu-le-pa, u-le-naute sang a nungak/tangval khat it a buaipi ngam zaw.

21. Migiloute ziak a kisuk lunggim suah a silhoih lou bawlte zong thangsiat veve.

22. Nu-le-pa thuhilh mang nuamlou hinanleh Pasian thu leh la zui a kingaihtuah.

23. Innsung a ZU dawn ngam lou; innpu a lah khotang phawklou a buai thei.

24. Kolte hung simmoh dan gengen mai; innlam a Kol leh Vai, Meitei leh Nepalite aman zong bangmah a asim louh lamtak manghilh kipang hiuhiau.

26. Kami kasa/kagam kalei ka it chi tetaw sam akepbit nang a lah bangmah a pang ngellou. Mi sum-le-pai nekguk takguk teng hangsan tak a gen ngam, ama ginomlouh leh lepchiahdan lah mite'n thei veve.

27. Mite khantouhdan leh changkandante gengen mai, amah lah ami asa khantouh nading dan thei vanuak lou.

[Tg. T.S.Mung hih Pa (L) S. Dalzahau leh Nu Chingngaihniang tapa Zoumun khua a piang ahi. 1999 kum in St. Paul's Institure, Lamka apan Class-X ana zou a, 2001 in Rayburn College apan Class-XII(Sc) a zou hi. 2004 in DU nuai ah BA zou a, MA(IR) Anna Malai apan ana zou hi. Amah Delhi Khalvontawite lak ah adia mifel mahmah thugen leh lasak siam tak mai khat ahi . Tulai tak in ZCF Delhi ah Youth Department te Chairman ahi hi.]

---------------------------------------------------------------------------

Source: SINLAI SUANGPHUM (TSP SOUVENIR 1987-2008), Pg. 73.

----------------------------------------------------------------------------

Share: