New Delhi, Dec 17, 2012: India khopi a Burmese um te'n Burmese Prodemocracy Groups in India saina nuoi ah tunia kipan ni 5 sung (Dec 21 tan) Jantar Mantar mun ah Burma Government tunga lungkim louna etsahnan 'Sit-in-protest' pan uhi. Burma Government in sipai thanat zang in Nov 29, 2012 zingmawng in Monywa (Sagaing Region) a Letpadaung khua a Copper Mine bawllou dia kiphinna nei a um mipite khu itna bei hiel in vuo-le-sat thuo ban ua, tear gas, water cannon, smoke bomb tanpha zang in mipite kap ua, tampi'n liemna tuo loh uhi.
Tuaziehin Burmese te'n kiphinna nei sawm hi'n kigen uhi. Tambang a Burma Government in mipite tungah thagum a agamtat uh khu poi a sahdan thu uh zong gen. Ni 5 sung vingveng kiphinna ah Photo Exhibition zong nei ding ua, tuanah Burma Government leh Wan Bao Company (China) kithuo a Letpadaung khua a copper mine kibawl zieh a silhoilou tungte leh mipite hasatna tuomtuom tahlang ding uh chi.
ZOGAM TODAY
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.