Thingkangphai TBC (I) hon in om

BANGMAH chik a Thangkhal te’n ana kinep phak louh, Pasian lemguatna toh Thingkangphai  khua ah Thangkhal Bible Church (Independent) Biakinn honna March 17, 2018 zingsang lam dak 8:00am in om hi. Hi hun ah mipi paikhawm teng in Biakinn mai ah laa sakna nei uh ah, Rev Khaikhanthang, Pastor, TBC Lamka Area in Biakinn honna’n Ribbon Cutting neih ah, tua zohin Pasian kiang ah thumna toh laan hi.

Biakinn kikhop ah Pastor Genzatung, Director of Woman & Child Dept (TBC-I) in conduct hina la a, Upa Hangkhankhup, Vice President, TBC (I) in Vaidawn thugenna leh Biakinn kilam khiat dan thu tomkim in pulakna neih hi.

USA apat hong zin Rev Ginkhankap (Translator of New Testament Bible in Thangkhal) in short-message pia a, Rose Lunnu leh Chingthiankim te’n Pasian phatna laa sa uhi.

TBC-I saptuam dang te’n zong Thingkangphai TBC Saptuam kipak pihna in present piakna neih uhi. Present piate ahih uleh – Tuibuang TBC(I), New Mission Veng TBC(I), S Phaiza TBC(I), S Munhoih TBC(I), M Tanglian TBC(I), Kamhang TBC(I), S Geltui TBC(I), Lamka Church TBC(I), Ngoiphai TBC(I), leh T Khajang TBC(I). Hiteng banah mimal a pia zong bangzat hiam khat om veve hi.

Pastor Chinminlian, Executive Director, TBC(I) in haanthawn thugenna nei hi.  Rev (Retd) Khamchinhang, Local Chairman in Thingkangphai Saptuam tulel in, inn tawm mah leh mabanah mi tampi hong kibeh ding ahih dan gen. Hih Thingkangphai TBC(I) Saptuam ahihleh apaisa March 10, 2018 in Local Church Committee (LCC) ana ding khia ua, tuletu’n inn nga (5) pha uh ah, mabanah mitampi lut beh ding uh ahih dan zong gen taklang hi. Thangkhal ham zang saptuam dang a omte zong mitampi lut beh ding dan in gen uhi.

Pastor Hangmuanlian, Director Youth & Mission in tawpna thumna leh annkuan thumna neih in hun zou siang uhi.

Tulel a Thingkangphai TBC(I) a lamkaite Pastor (Retd) Khamchinhang, Local Chairman; Pu Ginlunthang, Local Secretary; leh Upa Chinsuanlam, Finance Secretary & Local Vice Chairman ahi uhi.

 ~ M G Muanlal Thangkhal

Share: