CONDEMNATION BY KUKI CIVIL BODIES

29th  March, 2024: Meitei ten thachimit a gam le go lahpeh ding tupna a gal le tol a eibolkhum laitah uva, Border Defence Force kahi ti holoiyin nisim 28th March, 2024 jana Kuki Inpi Sadar Hills (KISH) leh Kuki Student’s Organisation Sadar Hills Office akha (sealed) uhi Kuki Inpi Manipur le akiloikhompi abahkai jousen sangtah in demna akiphong in ahi.

Chuleh hichenikho jankhang kima melhetlou hon Kuki Inpi Sadar Hills President Pu Thangminlen Kipgen leh Kuki Inpi Sadar Hills Vice President (Admin) Pu Douminlal Haokip, hem le thal mangcha a achenna inmun anokhum uva, Inpi lamkai khat jana beikeija melma bol a abol uva thil le lo asuhsetna chunga jong demna sangtah akiphong in ahi.

Hitobang Nampi’n gal idou laitah uva KISH leh KSO Office, Border Defence Forces minna kikhah hi nam kinoisena ahi’n, hijehchun 30th March, 2024 (Saturday) 11:00 AM kah a kiphonna ahin nei uva, agang theipena akhau Office ahon uva, Kuki Inpi henga Custom dungjuija ngaidam ahung kithum diuvin hetsahna akineijin, hiche thupeh hi nahsah louva akikoi leh Kuki mipi le Kuki Inpi chuleh abahkai jousen Nam melma a kila ding ahi.

Chuleh Nam lamkai adeh a Inpi lamkai ho melma khut a kona vendoh tahsanga hitobang chalohna hi melma te a kona sum le pai ijat a kigoi ham tin dohna jong akineiyin, KNO-UPF in agan na thei pena kholchilna ahin nei uva hitobang nampi sunohphah kiloikhomna hi ahin suhmang diuvin tepna akineiyin ahi.

Tunung tuban leh mimal hihen kiloikhomna hijong leh hitobang thilsoh hi ei le eiho sunga ivel bol tah lou diuvin tep le hetsah ihiuve.

----

 

 

Share: