March 8, 2024 | TTP: Mizoram Excise and Narcotics Minister Lalnghinglova Hmar in Mizoram Assembly ah apaisa sepnawnni in state sung a khamtheih matkhiak zah pung ahihdan taklang hi. Mizoram Assembly Budget session pailel ah Lalnghinglova Hmar in tukum January kha apan in Narcotics Department in Heroine kg 15, Methamphetamine Tablets 96.5 kg banah Ganja kg 238.6 matkhiak hita chi hi. Kum bul a dingpan, Giscal year thak a bituk luikhiakna paipan mahleh January-march, 2024 sungin khamtheihzuak a mat mi 1,211 phata chi a, hiai khamtheihzuakna hong letkhia dalna din Solkal, NGO leh saptuam chih panlakkhawmna mah poimoh chi hi. Mizoram State sung ah Khamtheih naktak in luanglut mahleh tuailai khamtheih a kibualzah keniam in, Civil Society Organisation, saptuam leh Solkal pangkhawmna gahsuang ahihdan kilang hi. Mizoram state ah tukum sung in khamtheih zatkhelh ziak a si mi 10 om in numei khat leng telkha hi. ~ The Tribal Post
No comments:
Post a Comment
Comments not related to the topic will be removed immediately.