KUKI PASAL HO DINGA JIKOP NEI PHAT AHITAI

1. Gamkhat siemdoh nading in population tam angaiye.

2. Namkhat siemdoh nading in population tam angaiye.

3. Gam leh nam kehbe nading in population tam angaiye.

4. Nampi hatna ding in population tam angaiye.

5. Namdang ten ei jabol na diuvin population tam angaiye.

Tu'a lhah kum 20 kah sunga hi Kukite population nasatah a hung khesuh ding ahi. Ajehchu, pasal tampi khamnathei neh jeh'a hung thigam ding ahi. Kuki nam sunga hi numei sanga pasal jat alhom joh jehleh pasal khamnathei ne atamval jeh'a numei tampi ji neilou, cha neilou um ahitai.

Nam sunga mi haosa holeh phaigam'a cheng hon birth control bol hih uvin, Kukite igam uhi chenna lou gam-ong lentah um ahi.

Namkhat, jatkhat kiti chu pasal sanga numei atamjoh tengleh pasal hon numei ho chu ji dinga akop ding mong ahi.

Jikop hi chonset'a kisim ahipoi, jikop lou'a minu mipa atamjo ichon chavei joh uhi chonset lenjo ahi. Tunjong inam sung, isociety sung ivetleh pasal tamtah hi khamnathei a thigam dinga um ahitai, hiche jeh'a numei ho ji ding kimujou talou jong adim adoh'a um ahitai.

Ka thusut hi isimleh angeimo sesu in, ahinla phaten ana gel uvin, siemtil apat Pathen in jikop hi ajahda khahlou ahi. Leiset chunga chitin namtin in jikop aneiyin koima abuoi chompoi, ipi dinga Kuki pasal hon jikop ineilou uham, namdang pasal hon jikop abol theileh Kuki pasal honjong ikop thei uve, lungneo pou hite.

Jikop ineileh insung khat'a chenkhompi a, lupna khat'a lupkhompi tei² ding tina ahipoi, inn chom² leh kho chom² a koiya pasal hon iji teho chu sakhi-thang vil lele jl ding ahi.

~ SG HAOKIP 

*via social media*

Share: