PASIAN KUMPIGAM LEH A DIKTATNA ZONG MASA IN ✍️ Pastor Thangdoulal Suantak

Text: Matt. 6:33: Hilezong Pasian kumpigam leh a diktatna pen zong masa phot un, tuahileh hihte tengteng zong na kiang uah piak behlap ahi diing hi.

Thupatna

Leitung a Christian Psychologist minthang Dr. James Dobson gendan in, “Mihing kum sawm-le-guk (16) a kipan a sawmnih-le-guk (26) kikaal hunsung ahihleh, mihing khantouhna a hun poimawhtak ahi,” achi a, hih hun pen ama’n “Critical decade – Kum sawm haksat hun” a chi hi. Hih kum sawm hunsung in mihing hinkhua ah kikheelna leh kilamdanna khenkhat a kilangkhia thei a, hichibang a kilangte’n damsung a daih hi. Tualeh hih “Kum sawm haksat hun” sung a i thupukna lakte’n i leitung dam kum omlai diingte a i hinkhua zak diingdante kilat diingdan (shaping) a bawl hi. Tualeh hih hunsung mah in education leh nekzonna diing tawh kisai a deihtelna leh suangtuahna a hung kilang a, zi neih utnate zong hih hunsung mah in a kilang hi.

Hih hunsung mah in mi’n a hinkhua pumpi lamkaih diing values, habit leh principles chihte a phutkip uh hi. Tua ahihziak in hih hunsung a thupukna lak khial pen hinkhua pumpi a puuksiatna a suakthei hi. Tuaziak in khanglai khat in hih hunsung a thupukna a lak khial louh a, lawhchingtak a a zakzawhna diing in Nu-le-pate leh Pastorte thumopna a poimawh mahmah uh hi. Hitalezong dahhuaitak in, hih hunsung a mite’n a nu-le-pate uh leh Pastorte tawh houlimna hun a zangkhawm utkei uh hi. Ama’uhte a diing in nu-le-pate leh Pastorte pen mi outdated a suaku a, a khan-gualte bek uh a ngaisang ua, ama’uhte thumopna zong a saangthei zaw uh hi. 

Adiak in hih hun a om khanglaite ahihleh kilawpna leh thathohna a dimte leh, kihoihsakna leh kimuanna ahihkeileh mawk khamuanna tawh pumdimte ahi taangpi uh hi. Hitalezong haksatna leh lungkhamna tawh kuamah kipeel tuamlou ahihna ah, hn zonih hunsung a mite’n zong haksatna a tuak sam ua, a diak in lungkiatna ama’uhte lak ah a common mahmah hi. Ahi’n hih hunsung pen hun hoih leh kilawm, puuksiatna diingte a kipan a kikepbitna hun hihsak zawk diing ahi. 

Challenges for the Modern Youth.

Social media mahmah zong, tu khang a diing a chouna liantak a suak a, hih in a teek a khang a hung mantang hi. Facebook, WhatsApp, TV leh Internet in i hunte uh hung guuk beisak siangta hi. Hih in i Bible sim hun diing, i thuumna hun diingte a hung laksak siangta hi. Tu masanglai deuh in US ah, tate’n nu-le-pate smart phones zakna tungtaang ah protest a nei ua, “Nu-le-pate’n a tate uh saang in a smart phonete uh a buaipih zaw uh hi,” chi in a kiphin uh hi. 

Tulai khangthakte’n biblical values leh ethics a thusim nawnkei ua, ama’uh a diing in zuihtheih louh thu lamleng a suak hi. Tuachiin numei leh pasal om diingdan tawh kisai a Bible thuhilhnate chouna suak in, Bible a kiteenna hilhchetnate leh sianthouna ah dokna liantak a neita uh hi. 

I tulai khangthakte’n Bible thuhilhnate zaa napi’n Bible gen louh dandan in a hinkhua uh zangta uh hileh kilawmta hi. Tu masanglai deuh in Bank slogan kithangtak ahihleh, “Money is the root of all good” kichi hi. Hilezong Bible in “Love of money is the root of all evil,” na chi hi. Setan in amah i biakna diing ua hih leitung thupinate a hung lah diing mah ahi. 

Tuni a eite’n i lungsim uh leh i mit uh, hih leitung thaanghuainate a pan a i kepbit diing uh ahi. Taanglai Job bang a, i mitte uh tawh thukhun i bawl ua, internet a thanghuaina tuamtuamte enlou a, i kivenbit diing uh ahi hi (Job. 31:1). 

I kiven kei a, i omdante uh i theihsiam kei ua ahihleh i maban diing uh hibang ahikha diing hi…. Sim ni. Pau. 5:11 na taksa uleh na pumpi uh a hung teek chiang in, leh na hinkhua uh tawpna ah dahtak in na kap ngeeungeeu diing ua, 12 “Aw, bangzahta a thuhilhna na deihlou ka tazen a, ka lungtang in phawk-hilhna a na simmawh hi! 13 kei hung thuhilhte zilsakna aw ka na zui nuamkei a, hung thuhilhte thuhilhna ka na ngai nuam kei hi. 14 Tun kei pen mipi vaihawmte khawmpi ah, a minse dimdem diing ka hita hi,” na chi diing hi. 

Facing Giants (Dougaal Liantak Maituahna)

Tulai khangthakte’n a tuah uh haksatnate a kibang kimkei diing hi. Tulai haksatna liantakte ahih leh Unemployment (Sepna neihlouhna) abandonment (nusiat leh deih nawnlouhna) sexual abuse (kisuam gawpna) ki-ngaihsiatna, lungkiatna, zu-ngolveina, pornography, mailam hun theihtheih louhna leh a dang tampite ahi.

Israel khangthu ah, kumpi tamtakte’n a khanlai hun un Pasian a zong ua, tuachiin a lawhching uh chih i muthei ua, hichih lai in mi dang, Pasian zonglou a lawhsam zong a omtham hi. David in Dougaal lian Goliatha a tuahlai in kum 17 ahi.

Pasian Kumpigam leh a Diktatna Zong Masa in

Hih “Critical decade” hunsung a Pasian in amah a diing in a teel hi chih i muthei uh hi. Joseph, David, Daniel leh a lawmte zong hih hunsung a mite ahi uh hi. TualehJesu nu Mary zong hih hunsung a mi mah hi diing a gintat ahi. I Toupa Jesu in a nungzui diing a a teel mite lak a Peter chih lou a dangteng zong hih hunsung a mite mah hi diing a gintat ahi. Ama’uhte’n Pasian kumpigam leh a diktatna zonh masa in, tua hileh aman hih silte zong a hung piakbeh diing hi, chih thu a theisiam uh hi. Toupa muanna ziak in a nna sepna mun ah, sexual temtation a kipan in Joseph suakta hi. Toupa muanna ziak  mah in taksa lunggulhnate a kipan in Daniel zong suakta zou hi. Tuni in bangbang dinmun ah i ding zong in, Toupa muang in maituah ni.

*******

~ TBCD NEWSLETTER | SUNDAY | 09-06-2024

 

Share: