20/07/2024: Vawisun khan Advocate Pi Elizabeth Singson inrawina hnuoiah HI, HSA, le Silchar Hmar Welfare hotuhan Cachar DC kuomah ei unauhai ruong SMC Morgue a umhai la lakdawk loa cold storage a mi lo la siepek zing dinga ngenna zu pek a ni a. DC hin sin thaw ding a lo hau leiin dar 8:00 pm hnung tieng hmu thei a ni cho.
DC chun hnina lekha HSA le HI in a pek chu a lak nuom naw a, an sunghan lekha hung siem hai sien zingah WhatsApp in mi hung thawn el ro, a ti leiin zingah WhatsApp a thawn ding tiin hotuhai chu in tieng an inlawi phawt. Ruong la sie țha ding thuah chun DC thuneina a ni ta a, case a fel hma khata ruong la sie țha dinga an sunghaiin hnina siema DC chu thawn dingin tuhin hotuhaiin an buoipui mek a nih.
Ei Advocate Pi Elizabeth Singson le ei hnam thuoituhai an sawlin hnam tadinga an thahnemngaina le tlawmngaina inpak an um tak zet. Lalpa'n an hma thuoiin hratna le varnan inthuom pei raw se.
_Copy&Paste_
.jpeg)
.jpg)
.JPG)
.jpg)
No comments:
Post a Comment
Comments not related to the topic will be removed immediately.