MIZORAM: SYNOD INKHAWMPUI VAWI 101-NA : ROREL NI 4-NA

December 7, 2024, chawhma dar 9:30-ah Rev. R.C. Lalnghakliana, Moderator-in Pathian thu Ephesi 5:15-17 a chhiar a. Upa John K. Gangte, Guwahati chu tawngtai turin a sawm a. A tawngtai zawhah rorel tan a ni.

SEC/BOARD atanga thu lutte :
4. Senior Department leh Puitling Sunday School inkara department thar siam rawtna (MSSU 169:VII of 23.10.2024) chu kan kal dan ngai hi a la tha e, tih a ni.

5. Synod Service Rules en that rawtna (SEC 308:43) chu tha tih a ni a. SEC-in lo bawh zui se, Synod-ah rawn thlen leh rawh se, tih a ni.

6. Kohhran (Synod) Inrelbawlna en that rawtna (SEC 308:44) chu hmalak mekna a ni e, tih a ni.

7. Mizoram Kraws Lian Synod Budget-a dah chungchang (SEC 308:74) chu tha tih a ni a, Finance lam bawh zui tura tih a ni.

8. Central KTP Leader thar atan Rev. H. Lalawmpuia, Sakawrtuichhun (SEC 309:6) an thlan chu pawm a ni.

9. Council of Churches in Mizoram puala Special Sunday siam rawtna (SEC 309:11) chu an rawtna angin October thla Pathianni vawi 4-na chu rem tih a ni.

10. Presbyterian English School (PES) tha zawka enkawl dan tur chungchanga rawtna (SEC 308:89; SEC 309:18) chu tha tih a ni a. SEC-in lo bawh zui se, Synod-ah rawn thlen leh rawh se, tih a ni.

11. PPF Dan 2014 en thatna (SEC 303:62/2023; SEC 307:51/2024) chu hman nghal turin SEC-in lo zut mam rawh se, tih a ni.

12. Nupa chungchang dan en thatna (Synod 2023 Gen. 42; SEC 306:35; SEC 309:4) chu siam that ngaite siam thain, hman nghal tura pawm a ni.

Finance report ngaihthlak a ni a, 2025-2026 Synod Budget ruahmanna ngaihthlak a ni bawk.
2023 - 2024 Statistics tlangpui chu heti ang hi a ni :
Presbytery - 47
Pastor Bial zat - 304
Kohhran zat - 1,160
Minister zawng zawng zat - 603
Kohhran Upa zawng zawng zat - 5,963
Kohhran member zat - 6,39,289 (3,09,056 + 3,30,233)
Secretary report leh Department report ngaihthlak niin, pawm a ni.
Chawhnu dar 3:00-ah inkhawmpui rorel zawh fel a ni a. Minute chhiarin, pawm a nih hnuah hming ziah a ni. Dar 3:27-ah Rev. Dr. H. Remthanga'n malsawmna sawiin Synod Inkhawmpui vawi 101-na rorel a tin.

~ Synod Information & Publicity
Share:

No comments:

Post a Comment

Comments not related to the topic will be removed immediately.

Recent Posts

Popular Posts

Articles

SUBSCRIBE

Thangkhal Bible in Mobile

Mobile phone a Thangkhal NT Bible koih ding dan

Read Thangkhal NT Bible

JOIN KV fb

ZOMI FINS

PHOTO GALLERY

THANGKHAL COSTUMES
TBCWD TOUR 24-Sept-2022
Kulhvum Prayer

Blog Archive