Chin State ah hian ralthuam keng pawl tam tak an awm a. Chungte chu group lian pui pathum ah a then theih a ni. Pakhatna ah chuan CNA kaihhruai Chinland Council (CC) sipaite hi an ni. Chinland Council hnuaiah hian ralthuam keng pawl sawm-leh-panga (15) an tel a ni. Chungte chu heng ahnuaia mite hi an ni.
1. CNF/CNA
2. CDF-Matupi Brigade-2
3. CDF-Lautu
4. CDF-Zotung
5. CDF- Paletwa
6. CDF-Hualngo
7. CDF-Tonzang
8. CDF-Hakha
9. CDF-Thantlang
10. CDF-KKG
11. CDF-Dai
12. CDF-Zophei
13. CDM-Siyin
14. PDA-Tedim
15. CDF-Mara
A group pahnihna chu Interim Chin National Consultative Council (ICNCC) kaihhruai Chin Brotherhood (CB) te hi an ni. Chin Brotherhood hnuaiah hian heng a hnuaia mite hi an awm a ni.
1. CNO/CNDF
2. ZFU/PDF-Zoland
3. CDF-Mindat
4. CDF-Kampalet
5. CDF-Matupi, Brigade-1
6. Mara Territorial Council (MTC)
A pathumna chu Zomi Revolutionary Army-Eastern Command (ZRA-EC) te hi an ni. ZRA-EC te hian align nei lovin neutral takin an mal din a ni.
Chin state ralthuam keng pawl hrang hrang zingah hian buaina a thleng fo tawh a ni. Heng an buaina chhan ber chu CNA ho hian Chin state pumpui thunun an tum vang a ni ber awm e. CNA te hian Chin state an thunun theih nan Chinland Constitution 2023 siamin chutah chuan CNA te tan dinhmun tha tak an dah a ni. Chinland Council ah hian CNA te tan inthlan buai ngai miah lovin seat 27 lai mai an hauh a ni. Chinland Flag atan CNA flag an puang ringawt bawk. Chubakah One Army, one command changchawiin Chin state ah CNA bak ralthuam keng awm an phal lo. Chin National Army (CNA) a hruaitu hlun Col. Solomon chuan "Chinland Council Government hnuaia kun duhlo Chin state a ralthuam keng dangte chu kan nuai chimit vek dawn" ti-in a vau a ni. He thu hi Vaurawng buatsaih Spring Revolution Fundraising Online meeting neihna a a sawi a ni. Chin state common language atan Hakha tawng hman tumin hma an la mek bawk.
CNA ten Chin state a ralthuam keng pawl chak ber nih tumin an thuhnuaia om duhlo ralthuam keng pawldangte chu tih chimih an tum a ni. Chung ti chimih an tum zinga pakhat chu Zomi Revolutionary Army-Eastern Command (ZRA-EC) te hi an ni. April 12, 2022 khan CNA kaihhruai CJDC chuan ZRA-EC chu terrorist organisation ah puangin ti chimih an nih tur thu an chhuah a ni. Revolution chhuan lama CJDC members te chakna an hman tangkai theih lai anih avangin he hun tha hi bawh pelh an tum biklo a ni. Vawi 20 chuang ZRA-EC awmna ah va kalchilh in an va kap tawh a. Mahse an tum ang chuan an la nuaibo thei lo anih hi.
ZORO hmalakna in CNF leh ZRO te hian 27th July 2024 khan Peace Talk an nei a ni. Unau inkar ah inremna tluantling a om theih nan inbiakna neih leh nise tih a ni. ZORO hnuaia inbiakna neih anih atang khan ZRA chuan CNA tibuai zawng a hmalakna engmah an nei lo. ZORO nena inremna thuthlung chu zah tak in an zawm a ni. CNA lam chuan ZORO pawh hmaizah lovin inremna chu an palzut ta a. 21 October 2024 khan CNA chuan Mualkawi khaw bulah ZRA an lo lambun a ni. He in ambush na ah hian ZRA sipai 3 in nunna an chan a, 2 in hliam an tuar bawk. A remna siampuitu ZORO ber lah chuan khatia CNA ten inremna thuthlung an bawhchhia hi an dem lemlo nge ni, an ngawi hmak mai.
CNA ten Chin Brotherhood a tel Mindat CDF, Matupi CDF leh MDF te an va tibuai thin bawk. 18th June 2024 khan Matupi khua-a SAC Camp lak tuma beitu CB sipai te chu CNA ten an va tibuai anih kha. Drone leh 40mm, 60mm Launcher hmangin an bei a, mi pahnih in nunna chanin mi engemaw zat an hliam a ni.
Chin Net in CNO/CNDF GS Salai William Chin an kawmna ah CNO/CNDF hruaitu Salai William Chin chuan Zomi ten Tedim district ah thunei se, Falam in Falam district awp-ila chutiang bawk in CNA ten Hakha lam control se a duh thu a sawi a ni. Hei hi a dik hle, township danga CNA ten thuneih an va tum thin avanga buaina chhuak thin a nihzia chu a chiang thawkhat viau a ni.
CNA kaihhruai Chinland Council leh ICNCC kaihhruai Chin Brotherhood inkarah remna a om theih nan Mizoram Chief Minister Pu Lalduhoma chuan hma lakpui in February 26, 2025 khan pawl pahnih te hian CC leh ICNCC thiat in pawlthar Chin National Council (CNC) an din a ni. He inremna hi Chin mite bakah Mizoram lam pawhin kan lawmpui hle lai in a tuk lawk 27 February 2025 ah CNA lam chuan peace agreement kalh zawngin hma an la nghal a ni. Falam rama CDF-Zanniat leh CDF-Hualngo an din duh tawk lovin CDF-Ngawn an din belh a ni. Hei hi kum 2022 atanga lo ding tawh Ngawn Union Council (NUC) chuan an dem hle. Ngawn khaw lal te hian January 8, 2025 khan meeting nei in, Ngawn ram chhungah CNA leh a hnungzui tu ten camp an sak an phallo bur a ni. NUC pawh in CNF/CNA chu Ngawn ram chhuahsan turin an hriat tir nghal a ni. Amaherawh chu CNF/CNA chuan Ngawn ram chhunga an awm theih nan Ngawn hnam zinga thenkhat thlem lungawi in CDF-Ngawn an lo dinpui a ni.
Falam Township ah buaina siam zawnga CNF/CNA ten CDF-Ngawn an din hi CNO/CNDF chuan an duhlo hle. 4 March 2025 khan CNDF sipai te chuan CDF-Ngawn Camp an va thiahsak a ni. ZORO kaihhruaina hnuai a CNA leh ZRA inremna, CNA ten an bawhchhiat khan Mizoram lam chuan kan dem tlat lo mai. Tunah inremna thuthlung an han bawhchhe leh a dem an hlawh chuang dawn emaw ni chu?
CC leh ICNCC inremna hi, September 2024 a Mizo Society of America ten Mizo Day hmang tura Mizoram Chief Minister Pu Lalduhoma an kohthlak rahchhuah pakhat ni-in mi thenkhat chuan an sawi. Amaherawhchu khata a thusawi kha Ministry of External Affairs beng a thleng a. Media thenkhat phei chuan a thusawi chu India ram atanga in dan tum ang hial in an chhuah anih kha. Tun tuma Mizoram Chief Minister hmalakna pawh hi Indian Constitution hnuaia chhechham tawh te tan a tih chi a ni dawn em ni ti-in Mizo Aw Editorial 4 March 2025 chuan a ziak a ni. Mizoram MP Pu K. Vanlalvena leh a thawhpui thian ten 27 February 2025 a, CNA te hmunpui Camp Victoria an han tlawh pawh khan ngaihtuahna a ti thui hle.
1. CNF/CNA
2. CDF-Matupi Brigade-2
3. CDF-Lautu
4. CDF-Zotung
5. CDF- Paletwa
6. CDF-Hualngo
7. CDF-Tonzang
8. CDF-Hakha
9. CDF-Thantlang
10. CDF-KKG
11. CDF-Dai
12. CDF-Zophei
13. CDM-Siyin
14. PDA-Tedim
15. CDF-Mara
A group pahnihna chu Interim Chin National Consultative Council (ICNCC) kaihhruai Chin Brotherhood (CB) te hi an ni. Chin Brotherhood hnuaiah hian heng a hnuaia mite hi an awm a ni.
1. CNO/CNDF
2. ZFU/PDF-Zoland
3. CDF-Mindat
4. CDF-Kampalet
5. CDF-Matupi, Brigade-1
6. Mara Territorial Council (MTC)
A pathumna chu Zomi Revolutionary Army-Eastern Command (ZRA-EC) te hi an ni. ZRA-EC te hian align nei lovin neutral takin an mal din a ni.
Chin state ralthuam keng pawl hrang hrang zingah hian buaina a thleng fo tawh a ni. Heng an buaina chhan ber chu CNA ho hian Chin state pumpui thunun an tum vang a ni ber awm e. CNA te hian Chin state an thunun theih nan Chinland Constitution 2023 siamin chutah chuan CNA te tan dinhmun tha tak an dah a ni. Chinland Council ah hian CNA te tan inthlan buai ngai miah lovin seat 27 lai mai an hauh a ni. Chinland Flag atan CNA flag an puang ringawt bawk. Chubakah One Army, one command changchawiin Chin state ah CNA bak ralthuam keng awm an phal lo. Chin National Army (CNA) a hruaitu hlun Col. Solomon chuan "Chinland Council Government hnuaia kun duhlo Chin state a ralthuam keng dangte chu kan nuai chimit vek dawn" ti-in a vau a ni. He thu hi Vaurawng buatsaih Spring Revolution Fundraising Online meeting neihna a a sawi a ni. Chin state common language atan Hakha tawng hman tumin hma an la mek bawk.
CNA ten Chin state a ralthuam keng pawl chak ber nih tumin an thuhnuaia om duhlo ralthuam keng pawldangte chu tih chimih an tum a ni. Chung ti chimih an tum zinga pakhat chu Zomi Revolutionary Army-Eastern Command (ZRA-EC) te hi an ni. April 12, 2022 khan CNA kaihhruai CJDC chuan ZRA-EC chu terrorist organisation ah puangin ti chimih an nih tur thu an chhuah a ni. Revolution chhuan lama CJDC members te chakna an hman tangkai theih lai anih avangin he hun tha hi bawh pelh an tum biklo a ni. Vawi 20 chuang ZRA-EC awmna ah va kalchilh in an va kap tawh a. Mahse an tum ang chuan an la nuaibo thei lo anih hi.
ZORO hmalakna in CNF leh ZRO te hian 27th July 2024 khan Peace Talk an nei a ni. Unau inkar ah inremna tluantling a om theih nan inbiakna neih leh nise tih a ni. ZORO hnuaia inbiakna neih anih atang khan ZRA chuan CNA tibuai zawng a hmalakna engmah an nei lo. ZORO nena inremna thuthlung chu zah tak in an zawm a ni. CNA lam chuan ZORO pawh hmaizah lovin inremna chu an palzut ta a. 21 October 2024 khan CNA chuan Mualkawi khaw bulah ZRA an lo lambun a ni. He in ambush na ah hian ZRA sipai 3 in nunna an chan a, 2 in hliam an tuar bawk. A remna siampuitu ZORO ber lah chuan khatia CNA ten inremna thuthlung an bawhchhia hi an dem lemlo nge ni, an ngawi hmak mai.
CNA ten Chin Brotherhood a tel Mindat CDF, Matupi CDF leh MDF te an va tibuai thin bawk. 18th June 2024 khan Matupi khua-a SAC Camp lak tuma beitu CB sipai te chu CNA ten an va tibuai anih kha. Drone leh 40mm, 60mm Launcher hmangin an bei a, mi pahnih in nunna chanin mi engemaw zat an hliam a ni.
Chin Net in CNO/CNDF GS Salai William Chin an kawmna ah CNO/CNDF hruaitu Salai William Chin chuan Zomi ten Tedim district ah thunei se, Falam in Falam district awp-ila chutiang bawk in CNA ten Hakha lam control se a duh thu a sawi a ni. Hei hi a dik hle, township danga CNA ten thuneih an va tum thin avanga buaina chhuak thin a nihzia chu a chiang thawkhat viau a ni.
CNA kaihhruai Chinland Council leh ICNCC kaihhruai Chin Brotherhood inkarah remna a om theih nan Mizoram Chief Minister Pu Lalduhoma chuan hma lakpui in February 26, 2025 khan pawl pahnih te hian CC leh ICNCC thiat in pawlthar Chin National Council (CNC) an din a ni. He inremna hi Chin mite bakah Mizoram lam pawhin kan lawmpui hle lai in a tuk lawk 27 February 2025 ah CNA lam chuan peace agreement kalh zawngin hma an la nghal a ni. Falam rama CDF-Zanniat leh CDF-Hualngo an din duh tawk lovin CDF-Ngawn an din belh a ni. Hei hi kum 2022 atanga lo ding tawh Ngawn Union Council (NUC) chuan an dem hle. Ngawn khaw lal te hian January 8, 2025 khan meeting nei in, Ngawn ram chhungah CNA leh a hnungzui tu ten camp an sak an phallo bur a ni. NUC pawh in CNF/CNA chu Ngawn ram chhuahsan turin an hriat tir nghal a ni. Amaherawh chu CNF/CNA chuan Ngawn ram chhunga an awm theih nan Ngawn hnam zinga thenkhat thlem lungawi in CDF-Ngawn an lo dinpui a ni.
Falam Township ah buaina siam zawnga CNF/CNA ten CDF-Ngawn an din hi CNO/CNDF chuan an duhlo hle. 4 March 2025 khan CNDF sipai te chuan CDF-Ngawn Camp an va thiahsak a ni. ZORO kaihhruaina hnuai a CNA leh ZRA inremna, CNA ten an bawhchhiat khan Mizoram lam chuan kan dem tlat lo mai. Tunah inremna thuthlung an han bawhchhe leh a dem an hlawh chuang dawn emaw ni chu?
CC leh ICNCC inremna hi, September 2024 a Mizo Society of America ten Mizo Day hmang tura Mizoram Chief Minister Pu Lalduhoma an kohthlak rahchhuah pakhat ni-in mi thenkhat chuan an sawi. Amaherawhchu khata a thusawi kha Ministry of External Affairs beng a thleng a. Media thenkhat phei chuan a thusawi chu India ram atanga in dan tum ang hial in an chhuah anih kha. Tun tuma Mizoram Chief Minister hmalakna pawh hi Indian Constitution hnuaia chhechham tawh te tan a tih chi a ni dawn em ni ti-in Mizo Aw Editorial 4 March 2025 chuan a ziak a ni. Mizoram MP Pu K. Vanlalvena leh a thawhpui thian ten 27 February 2025 a, CNA te hmunpui Camp Victoria an han tlawh pawh khan ngaihtuahna a ti thui hle.
~ WAP
.JPG)
.jpeg)
No comments:
Post a Comment
Comments not related to the topic will be removed immediately.